ტრამპისა და ბაიდენის ადმინისტრაციებს შორის განსხვავება ისაა, რომ ტრამპის ადმინისტრაცია ისმენს რუსეთის პოზიციას, ესმის რუსეთის შეშფოთება - რუსეთის პრეზიდენტის სპეცწარმომადგენელი

რუსეთის პირდაპირი ინვესტიციების ფონდის ხელმძღვანელმა, კირილ დმიტრიევმა ვაშინგტონში ვიზიტის შედეგებზე ისაუბრა. სხვა საკითხებთან ერთად, მან აშშ-ის პრეზიდენტის, დონალდ ტრამპის ადმინისტრაციის წარმომადგენლებთან ურთიერთობების აღდგენის, არქტიკაში თანამშრომლობისა და იშვიათი ლითონების საკითხები განიხილა.

დმიტრიევის თქმით, ტრამპის ადმინისტრაციას „ესმის რუსეთის შეშფოთება“.

„ერთ-ერთი მთავარი თემა რუსეთ-ამერიკული ურთიერთობების აღდგენაა - დიალოგი, რომელიც ჯო ბაიდენის ადმინისტრაციის დროს შეწყდა. ჩვენ ვხედავთ, რომ ბევრი მოთამაშე, სხვადასხვა ქვეყანა ცდილობს ამ დიალოგის ჩაშლას“, - აღნიშნა რუსეთის პრეზიდენტის სპეციალურმა წარმომადგენელმა.

„ტრამპისა და ბაიდენის ადმინისტრაციებს შორის განსხვავება ისაა, რომ ტრამპის ადმინისტრაცია ისმენს რუსეთის პოზიციას, ესმის რუსეთის შეშფოთება“, - დასძინა მან.