სინოპტიკოსები მოსახლეობას მოსალოდნელი ამინდის შესახებ აფრთხილებენ
1774254189
აშშ-ის პრეზიდენტმა, დონალდ ტრამპმა განაცხადა, რომ ომის დასასრულებლად შესაძლო შეთანხმების თაობაზე მიმდინარე მოლაპარაკებებში აშშ-სა და ირანს შორის რამდენიმე საერთო ინტერესი არსებობს.
„მათ არ ექნებათ ბირთვული იარაღი“, - განუცხადა ტრამპმა ჟურნალისტებს ორშაბათს ფლორიდაში.
მან ასევე დასძინა, რომ იმედოვნებს, ჰორმუზის სრუტე მალე გაიხსნება. კითხვაზე, თუ ვინ გააკონტროლებს სრუტეს, ტრამპმა უპასუხა: „შესაძლოა მე“, და იქვე დასძინა, რომ ირანის ახალი ლიდერიც მიიღებს მონაწილეობას ამ სასიცოცხლოდ მნიშვნელოვანი გლობალური სავაჭრო გზის კონტროლში.
ტრამპის თქმით, შეთანხმება ასევე მოიცავს რეჟიმის შეცვლას და აღნიშნა, თუ რამდენი ირანელი მაღალჩინოსანია მოკლული. „რეჟიმის ცვლილება ავტომატურად ხდება, თუმცა ჩვენ საქმე გვაქვს ადამიანებთან, რომლებიც მეტად გონიერები და მყარი პოზიციის მქონენი მეჩვენებიან. შესაძლოა, ერთ-ერთი მათგანი ზუსტად ის აღმოჩნდეს, ვისაც ვეძებთ. შეხედეთ ვენესუელას, რა კარგად მიდის იქ საქმე“.
ტრამპმა აღნიშნა, რომ მოლაპარაკებები არ მოიცავს ახალ უზენაეს ლიდერს, მოჯთაბა ხამენეის. „არც კი ვიცით, ცოცხალია თუ არა“, - თქვა ტრამპმა.
