ტრამპი ადასტურებს, რომ „მნიშვნელოვანი პერიოდის“ გამო შვილის, დონალდ ტრამპი უმცროსის ქორწილს ვერ დაესწრება

აშშ-ის პრეზიდენტი, დონალდ ტრამპი ვაშინგტონში, თეთრ სახლში რჩება და სახელმწიფო საქმეების გამო შვილის, დონალდ ტრამპი უმცროსის ქორწილს ვერ დაესწრება.

ტრამპის განმარტებით, მას ძალიან სურდა ამ მნიშვნელოვან მომენტში ოჯახის გვერდით ყოფნა, თუმცა ქვეყანაში არსებული ვითარება ვაშინგტონის დატოვების საშუალებას არ აძლევს.

„მიუხედავად იმისა, რომ ძალიან მინდოდა ვყოფილიყავი ჩემს შვილთან, დონ უმცროსთან და ტრამპების ოჯახის უახლეს წევრთან, მის მომავალ მეუღლესთან, ბეტინასთან ერთად, მთავრობასთან დაკავშირებული გარემოებები და ჩემი სიყვარული ამერიკის შეერთებული შტატების მიმართ, ამის საშუალებას არ მაძლევს. მიმაჩნია, რომ ამ მნიშვნელოვან პერიოდში ჩემი ვაშინგტონში, თეთრ სახლში დარჩენა აუცილებელია. ვულოცავ დონს და ბეტინას!“ - აცხადებს დონალდ ტრამპი.