The Guardian: ტრამპის მიერ ტარიფების გამოცხადების შემდეგ უოლ სტრიტზე აქციები მკვეთრად დაეცა

დონალდ ტრამპის მიერ ტარიფების გამოცხადების შემდეგ, რომელიც გლობალურ ბაზარზე შოკის ტალღებს იწვევს, უოლ სტრიტზე აქციები მკვეთრად დაეცა, - წერს ბრიტანული გამოცემა The Guardian.

დოუ ჯონსის ინდუსტრიული საშუალო მაჩვენებელი, რომელიც აშშ-ის 30 უმსხვილეს კომპანიას ადევნებს თვალს, 1137 პუნქტით დაეცა.

Bloomberg-მა გამოთვალა, რომ დღევანდელი ვაჭრობის დასაწყისში S&P 500 ინდექსმა დაახლოებით 1.7 ტრილიონი დოლარი დაკარგა.

აშშ-ის პრეზიდენტმა, დონალდ ტრამპმა ოთხშაბათს განაცხადა, რომ აშშ ყველა ქვეყანას საპასუხო ტარიფებს დაუწესებს.

აშშ-ის ადმინისტრაციის მიერ დაწესებული ტარიფები შემდეგნაირად გამოიყურება: ევროკავშირი 20%, ვიეტნამი 46%, ტაივანი 32%, იაპონია 24%, ინდოეთი 26%, სამხრეთ კორეა 25%, ტაილანდი 36%, ჩინეთი 34% და ა.შ.

„აშშ ვერ გააგრძელებს ეკონომიკური დათმობის ცალმხრივ პოლიტიკას. ჩვენ უნდა ვიზრუნოთ ჩვენს ხალხზე და უპირველეს ყოვლისა, ჩვენს ხალხზე უნდა ვიზრუნოთ“, - აღნიშნა დონალდ ტრამპმა.