თეთრ სახლში აცხადებენ, რომ ტრამპი იმედგაცრუებულია პუტინითა და ზელენსკით

თეთრი სახლის პრეს-მდივანი ქეროლაინ ლივიტი აცხადებს, რომ აშშ-ის პრეზიდენტი დონალდ ტრამპი რუსეთის პრეზიდენტ ვლადიმერ პუტინითა და უკრაინის პრეზიდენტ ვოლოდიმირ ზელენსკით იმედგაცრუებულია. ამის შესახებ ლივიტმა ჟურნალისტებს განუცხადა.

როგორც ლევიტმა აღნიშნა, ომი ძალიან დიდხანს გრძელდება, რის გამოც ორივე მხარეს ბევრი ადამიანი იღუპება.

„დონალდ ტრამპი ორივე მხარის ლიდერით იმედგაცრუებულია. მას სურს, რომ ეს ომი დასრულდეს. ორივე მხარეს იღუპებიან ადამიანები და ეს უკვე ძალიან დიდი ხანია, გრძელდება. ჩვენი გუნდი განაგრძობს თანამშრომლობას როგორც რუსებთან, ისე უკრაინელებთან და პრეზიდენტი ძალიან აქტიურად არის ჩართული ამ საკითხში ყოველდღიურად“, – აღნიშნა თეთრი სახლის პრესმდივანმა.