ტაძარში გაჩენილი ხანძრის გამო, 40-ზე მეტი ადამიანი დაიღუპა - (ეგვიპტე)

ეგვიპტის კოპტური ეკლესია, ჯანდაცვის სამინისტროზე დაყრდნობით, იტყობინება, რომ იმბაბაში, აბუ სიფინის ტაძარში გაჩენილი ხანძრის შედეგად, 41 ადამიანი დაიღუპა და 55 დაშავდა.

მედიის ცნობით, ეკლესიაში 5 000-მდე ადამიანი იყო. არსებული ინფორმაციით, ხანძარი ელექტროგაყვანილობის გაუმართაობამ გამოიწვია, რასაც ჭყლეტა მოჰყვა.

ხანძრის ჩასაქრობად, შემთხვევის ადგილზე 15 სახანძრო მანქანა იყო მობილიზებული. სასწრაფო დახმარების მანქანებით, დაშავებულები ახლომდებარე საავადმყოფოებში გადაიყვანეს.