შვილის ტრაგედია დუგინმა ზუსტად ერთი წლით ადრე - 2021 წლის 20 აგვისტოს იწინასწარმეტყველა და პოსტი გამოაქვეყნა

ტრაგედიამდე ზუსტად ერთი წლით ადრე, ფილოსოფოსმა და პოლიტოლოგმა, ალექსანდრე დუგინმა დაწერა პოსტი, რომელიც ახლა წინასწარმეტყველურად ჟღერს.

სანამ სამართალდამცველები იძიებენ ალექსანდრე დუგინის ქალიშვილის, დარიას მკვლელობის ყველა დეტალს, რუსი ფილოსოფოსისა და პოლიტოლოგის Vkontakte გვერდზე იდუმალი გზავნილი იპოვეს, რომელიც ახლა სულ სხვა მნიშვნელობას იძენს.

ქალიშვილის გარდაცვალებამდე ზუსტად ერთი წლით ადრე 60 წლის დუგინმა გამოაქვეყნა გერმანელი ფილოსოფოსის, ფრიდრიხ ნიცშეს პერიფრაზირებული გამონათქვამი - „ყველაფერი, რაც არ გვკლავს, გვაძლიერებს“.
„რაც მე არ მკლავს, სხვას კლავს…“ - წერდა დუგინი 2021 წლის 20 აგვისტოს.

ტრაგედია დუგინის ოჯახში 20 აგვისტოს, საღამოს მოხდა. 30 წლის ჟურნალისტი სახლში ღონისძიებიდან ბრუნდებოდა, სადაც მამამისი ლექციას კითხულობდა და თავად საპატიო სტუმარი იყო. მოსკოვის მახლობლად, სოფელ ბოლში ვიაზემის მახლობლად, ააფეთქეს Land Cruiser Prado SUV, რომელშიც დარია იმყოფებოდა. მძლავრმა ტალღამ ავტომობილს სახურავი ააგლიჯა, თავად გოგონა კი, მძღოლის სავარძელთან ერთად, სამგზავრო განყოფილებიდან გადმოაგდო.

მანქანაში თავად დუგინიც უნდა ყოფილიყო, მაგრამ ბოლო მომენტში მან შვილთან ერთად წასვლა გადაიფიქრა.  

მომხდარ ფაქტზე სისხლის სამართლის საქმე აღიძრა. ახლა გამომძიებლები აგრძელებენ ტრაგედიის ყველა დეტალის გარკვევას. მაგრამ უკვე არსებობს რამდენიმე ვერსია.