VIDEO: რა მოხდა „პრაიმ ჰაუსის“ დასრულების შემდეგ - ნახეთ, კადრები
1722027255
შეყვარებულთა მკვლელი - ერთ-ერთი ყველაზე სასტიკი სერიული მკვლელის, მეტსახელად ზოდიაქოს ვინაობა 54 წლის შემდეგ დაადგინეს, მაგრამ...
შეერთებულ შტატებში, 54 წლის შემდეგ გაირკვა ერთ-ერთი ყველაზე სასტიკი სერიული მკვლელის, მეტსახელად ზოდიაქოს ვინაობა, რომელიც მოქმედებდა კალიფორნიაში 1960-იანი წლების ბოლოდან 1970-იანი წლების დასაწყისამდე. Daily Star-ის ცნობით, დამნაშავე მებრძოლი ვეტერანი, გარი ფრენსის პოსტი იყო.
გამომძიებლების თქმით, მანიაკმა ჩაიდინა შვიდი თავდასხმა და მოკლა ხუთი ადამიანი. მან განსაკუთრებული პოპულარობა გაზეთებში გაგზავნილი დაშიფრული წერილების წყალობით მოიპოვა. ზოდიაქომ გამოიყენა სპეციალური კოდები და გამოაქვეყნა იდუმალი თავსატეხები, ასევე მუქარები დაურთო მათ.
განცხადებები ჩადენილი მკვლელობების შესახებ, მეტსახელით ხელმოწერა და კელტური ჯვრის მსგავსი სიმბოლოები აღმოაჩინეს სახლში, რომელიც ოდესღაც აშშ-ის საჰაერო ძალების ვეტერანს, გარი ფრენსის პოსტს ეკუთვნოდა, რის შემდეგაც აღმოაჩინეს სხვა მტკიცებულებებიც, რომლებიც მას მკვლელობებთან აკავშირებდა. მაგალითად, მისი ფოტოები შუბლზე ნაწიბურით, ჰგავდა ადრე შედგენილ ზოდიაქოს ფოტორობოტს.
პენტაგონის ცენტრალური არქივის ინფორმაციით, ავარიის დროს ჯარისკაცი მძიმედ დაშავდა. ჯარის შემდეგ 40 წელი მუშაობდა მღებავად, რამაც გამოძიების მსვლელობაზეც იმოქმედა: მკვლელობის ერთ-ერთ ადგილზე იპოვეს მაჯის საათი, საღებავის შხეფებით.
დოკუმენტების მიხედვით თუ ვიმსჯელებთ, პოსტი ეწეოდა კანონმორჩილ ცხოვრებას და მხოლოდ 2016 წელს ცოლი კიბეებზე დააგორა, რის შემდეგაც იგი ფსიქიატრიულ საავადმყოფოში გაგზავნეს. ორი წლის შემდეგ, 80 წლისა გარდაიცვალა.
პოლიციის ეჭვები მანიაკის გერმა, კრის ევერიმ დაადასტურა. მან აღიარა, რომ დიდი ხნის წინ გაიგო სიმართლე და როცა ჩარევა სცადა, მამინაცვალმა კინაღამ მოკლა. შედეგად, ევერი გაიქცა და ყველაფერი უამბო მხოლოდ კერძო დეტექტივებს.
ყველაფერი კი იმით დაიწყო, რომ ამერიკელმა მკვლევრებმა, რომლებიც მონაწილეობდნენ გაუხსნელ დანაშაულთა შესწავლაში (ჯგუფი The Case Breakers) განაცხადეს, რომ მათ იცოდნენ, ვინ იყო ცნობილი სერიული მკვლელი, რომელიც აშინებდა კალიფორნიის მცხოვრებლებს 1960-იან წლებში და იმალებოდა ფსევდონიმით Zodiac, წერს Fox News.
- The Case Breakers-ის მკვლევრები ახლა ამტკიცებენ, რომ ზოდიაქო გარი ფრენსის პოსტია, რომელიც 2018 წელს გარდაიცვალა. დიდი ხნის განმავლობაში, გუნდი მუშაობდა გათხრებზე, რომლებმაც გამოავლინეს ახალი სასამართლო მტკიცებულებები და ფოტოები პოსტის ბნელი ოთახიდან. მათ თქვეს, რომ ერთ სურათზე ნაჩვენებია ნაწიბურები პოსტის შუბლზე, რომლებიც ემთხვევა ზოდიაქოს ფოტორობოტს, ნათქვამია სტატიაში.
მკვლელის იდენტიფიცირების პროლოგი იყო კოდის გამოსავალი, რომლითაც დაშიფრული იყო მესიჯები, რომლებიც მან გაგზავნა სან-ფრანცისკოს გაზეთების რედაქციაში. ამრიგად, ქრონიკის წერილის კოდი, რომელიც რედაქციამ მიიღო 1969 წლის ნოემბერში, ამოუხსნელი დარჩა 50 წელზე მეტი ხნის განმავლობაში. თუმცა, გასულ წელს ექსპერტთა ჯგუფმა მისი გაშიფვრა მოახერხა. ჯგუფის ერთ-ერთი წევრის, დევიდ ორანჩაკის თქმით, ტექსტში შემდეგი შეტყობინებაა:
„იმედია მართლა გსიამოვნებს ჩემი დაჭერის მცდელობა... გაზის კამერის არ მეშინია, რადგან სამოთხეში გამიშვებს, რადგან ახლა იმდენი მონა მყავს, რომ იმუშავებენ ჩემთვის“.
ეს დაიწყო 1960-იან წლებში. მზიანი კალიფორნია, ჰიპების ეპოქის დაცემა, 1970-იანი წლების ეკონომიკური კრიზისი ჯერ არ დამდგარა. შეერთებული შტატები დარჩა ქვეყნად, რომლის ტერიტორიასაც არ შეხებია მეორე მსოფლიო ომი (პერლ ჰარბორზე თავდასხმის გამოკლებით). კალიფორნია იყო ამ ფუფუნების ცენტრში.
სისტემის წინააღმდეგ აჯანყებული ახალგაზრდების როკ-კონცერტები ქვეყანაში მელოდიური ჭექა-ქუხილი იყო, უკვე გადაღებული იყო კლასიკური ჰოლივუდური ფილმები, ქვეყანას თავისუფლების, სიყვარულისა და ნარკოტიკების სუნი ასდიოდა. თუმცა იყვნენ ადამიანები, რომლებმაც გადაწყვიტეს ამ სამოთხის გათელვა და განადგურება. ერთს ერქვა ჩარლზ მენსონი, დესტრუქციული სექტის ლიდერი, რომლის წევრებმა მოკლეს იმდროინდელი კინოვარსკვლავი შერონ ტეიტი.
მეორე იყო ის, ვისაც მეტსახელად ზოდიაქო ერქვა - შეყვარებულთა მკვლელი.
1968 წლის 20 დეკემბერს საღამოს, ორი სტუდენტი, დევიდ ფარადეი და ბეტი ლუ ჯენსენი, წავიდნენ პირველ პაემანზე. ისინი ახალგაზრდები და ბედნიერები იყვნენ და ერთ კვირაზე ნაკლებ დროში შობა ელოდათ, რომლის გატარებას დიდი ალბათობით ერთად აპირებდნენ. ამ დღესასწაულის წინა დღეს მათ გადაწყვიტეს დასწრებოდნენ კონცერტს, რომელიც ჯენსენის სახლიდან არც თუ ისე შორს იყო, მაგრამ გადაიფიქრეს და მეგობრის სანახავად წავიდნენ. შემდეგ ისინი ფეხით წავიდნენ კაფეში, შემდეგ კი, ჩასხდნენ მანქანაში, რომელიც ფარადეის დედას ეკუთვნოდა, წავიდნენ Rambler-ის ავტოსადგომში, რომელიც ცნობილი იყო, როგორც პაემნების ადგილი. ისინი იქ იყვნენ დაახლოებით ღამის 10 საათზე და საათზე ცოტა მეტი ხნის შემდეგ, მათი გვამები, რომლებიც უკვე გაცივებული იყო, ადგილობრივმა მოსახლეობამ იპოვა.
როგორც სოლანოს ოლქის შერიფმა გაარკვია, მოვლენები შემდეგნაირად განვითარდა. საღამოს 23 საათამდე ცოტა ხნით ადრე შეყვარებულების მანქანის გვერდით კიდევ ერთი მანქანა გაჩერდა. უცნობი მამაკაცი გადმოვიდა და იარაღის მუქარით ახალგაზრდებს მანქანიდან გადმოსვლა უბრძანა. დამნაშავემ ფარადეი თავში პირველი გასროლით მოკლა, ჯენსენმა თავის გადარჩენა სცადა და გაიქცა. მაგრამ მან ათი მეტრიც ვერ გაირბინა. ხუთი გასროლით მოცელა მკვლელმა. შემდეგ ის თავის მანქანაში ჩაჯდა და მკვლელობის ადგილი დატოვა. მსხვერპლი არ გაუუპატიურებია, არ გაუძარცვავს და შური არ უძიებია. მკვლელობის მოტივი მანამ, სანამ თავად არ ისაუბრა, უცნობი დარჩა.
მკვლელობამ საზოგადოება ააღელვა. მაგრამ გარკვეული პერიოდის შემდეგ თემა გაცივდა, დაკრძალვა შედგა და ხალხმა დაუბრუნდა ჩვეულ ცხოვრებას. დაუნდობელი მკვლელი თითქოს გაუჩინარდა, თითქოს საერთოდ არ არსებობდა. მაგრამ ექვს თვეზე მეტი ხნის შემდეგ, 1969 წლის 4 ივლისს, ღამის 12 საათზე, მან კვლავ შეახსენა თავი.
ახალგაზრდა წყვილი (დარლენ ფერინი და მაიკლ მაგო) მივიდა Blue Rock Springs Park-ში, რომელიც მდებარეობს ფარადეისა და ჯენსენის მკვლელობის ადგილიდან ექვსნახევარ კილომეტრში. ისტორია განმეორდა. მათ მეორე მანქანა მიუახლოვდა. თუმცა მძღოლს რაღაცის შეეშინდა და მცირე ხნით დგომის შემდეგ გაიქცა. მაგრამ ათი წუთის შემდეგ ის დაბრუნდა, ახალგაზრდების მანქანის უკან გაჩერდა. ამჯერად მკვლელი თავის მსხვერპლებს მგზავრის ადგილიდან მიუახლოვდა, სადაც მაგო იჯდა. მან პისტოლეტიდან ხუთჯერ გაისროლა. ორივე მსხვერპლი დაშავდა. მკვლელმა ჩათვალა, რომ თავისი ბინძური საქციელი სისრულეში მოიყვანა, მაგრამ თავის მანქანას რომ მიუახლოვდა, კვნესა გაიგონა. ამან აიძულა იგი დაბრუნებულიყო და საკონტროლო გაესროლა, რის შემდეგაც ზოდიაქო გაიქცა დანაშაულის ადგილიდან.
უკვე 0:40 საათზე ვალეხოს ქალაქის პოლიციის შტაბში ანონიმური ზარი შევიდა. მამაკაცმა, რომელმაც დარეკა, შეატყობინა ორმაგი მკვლელობის შესახებ, შემდეგ კი, სიცილით დაამატა, რომ ის იყო პასუხისმგებელი "გასულ წელს მომხდარი ბავშვების" სიკვდილზეც. მოგვიანებით დისპეტჩერმა გაიხსენა, რომ მას ისე ეჩვენებოდა, თითქოს ნათქვამი სიტყვები ქაღალდიდან იყო წაკითხული. პოლიციამ დაადგინა, რომ ზარი განხორციელდა ქუჩის ტელეფონიდან, რომელიც მდებარეობდა პოლიციის განყოფილებიდან რამდენიმე კვარტალში. მკვლელმა თამაში გადაწყვიტა.
აღსანიშნავია, რომ უბედური ფერინი გარდაიცვალა, ხოლო მაგო, რომელმაც სახის, კისრისა და მკერდის არეში დაზიანებები მიიღო, გადარჩა.
კალიფორნია ზუზუნებდა, ადგილობრივი მედია ერთმანეთს ეჯიბრებოდა ტრაგიკული მოვლენების განსახილველად, როდესაც მოულოდნელად 1969 წლის 31 ივლისს ადგილობრივი გაზეთების სამ რედაქციაში (Vallejo Times-Herald, San Francisco Chronicle და San Francisco Examiner) მოულოდნელად წერილები მოვიდა. მათმა ავტორმა განაცხადა, რომ სწორედ ის იყო პასუხისმგებელი ჩადენილ მკვლელობებზე, გარდა ამისა, თითოეულ წერილს ჰქონდა ტექსტის დაშიფრული ნაწილი.
ერთი კვირის შემდეგ, 7 აგვისტოს, San Francisco Examiner-ის რედაქტორმა კიდევ ერთი ანონიმური წერილი მიიღო. ის მარტივად იწყებოდა: „ძვირფასო რედაქტორო, ეს ზოდიაქო ლაპარაკობს...“ კრიმინალმა სახელი დაირქვა და მოჰყვა თავის ამბავს. ასეთ ადამიანებს, როგორც წესი, პოლიცია, ხალხი თუ ჟურნალისტები შემზარავ მეტსახელებს არქმევენ, მაგრამ ამჯერად კრიმინალმა სახელი თავად მოიფიქრა. იმის დასტურად, რომ ის იგივე მკვლელია, Zodiac-მა მოახსენა დანაშაულის რამდენიმე გარემოება, რომლებიც არ გახმაურებულა. წერილში კრიმინალი ამტკიცებდა, რომ პოლიციას ჩაჰბარდებოდა, როგორც კი მის მიერ დაწერილი კრიპტოგრამის კოდის გატეხას შეძლებდა.
მეორე დღეს, 8 აგვისტოს, სკოლის მასწავლებელმა დონალდ გარდენმა და მისმა მეუღლემ ბეტიმ შეძლეს ზოდიაქოს მიერ დატოვებული კრიპტოგრამის დაშლა და წაკითხვა. დიდი რაოდენობით განზრახ ორთოგრაფიული შეცდომით, კრიმინალმა გამოაცხადა, რომ ის მკვლელობებს სჩადის იმასთან დაკავშირებით, რომ ის აგროვებდა მონებს, რომლებიც მას შემდგომ ცხოვრებაში ემსახურებიან. ზოდიაქომ ასევე ბოდიში მოიხადა მისი პირადი ინფორმაციის არ მოწოდებისთვის. ეს ხელს შეუშლის მას საშინელი გეგმების განხორციელებაში.
„მე მიყვარს ადამიანების მკვლელობა, რადგან ეს ძალიან სახალისოა. ეს ბევრად უფრო სახალისოა, ვიდრე ტყეში ნადირობა, რადგან ადამიანი ყველაზე საშიში ცხოველია. მკვლელობა მაძლევს ყველაზე ამაღელვებელ გამოცდილებას. ამაში ყველაზე კარგი ის არის, რომ როცა მოვკვდები, მე აღვდგები ედემის ბაღში და ვინც მოვკალი, ჩემი მონები გახდებიან. ჩემს სახელს არ გაგიმხელ, რადგან შეეცდები ჩემს შეკავებას ან მაიძულებს შევწყვიტო მონების შეგროვება ჩემი შემდგომი ცხოვრებისთვის.
ზოდიაქოს შემდეგი მსხვერპლი ბრაიან ჰარტნელი და სესილია ენ შეპარდი იყვნენ. 1969 წლის 29 სექტემბერს საღამოს მკვლელი ახალგაზრდებს შეხვდა ტბაზე, სადაც ისინი ისვენებდნენ. ზოდიაქოს ჯალათის კოსტიუმის მიბაძვით შავი კაპიუშონი ეხურა და წინსაფარიც ჩაიცვა, რომელზედაც ჯვრიანი წრე იყო გამოსახული. მკვლელმა მსხვერპლს მიაყენა მრავლობითი ჭრილობები დანით, შემდეგ კი ფლომასტერით დახატა ნიშანი მათ მანქანაზე. 19:40 საათზე ზოდიაქომ დაურეკა ნაპას ოლქის შერიფს და ამაყად შეატყობინა მკვლელობის შესახებ.
შემთხვევის ადგილზე მისულმა პოლიციამ ამჯერად ტელეფონის მიმღებიდან თითის ანაბეჭდების ამოღება მოახერხა, თუმცა, როგორც შემდგომმა გადამოწმებამ აჩვენა, ისინი აქამდე არსად იყო დაფიქსირებული. ამავდროულად, ზოდიაქოს მკვლელობა მხოლოდ ნახევრად წარმატებული იყო: ჰარტნელი გადარჩა, მისი შეყვარებული კი გონზე დარჩა, სანამ სასწრაფო არ მივიდა და არ შეადგინა კრიმინალის სიტყვიერი პორტრეტი. სამწუხაროდ, მისი გადარჩენა ვერ მოხერხდა. გოგონამ, რომელსაც დანით 24-ჯერ დაარტყა, სასწრაფო დახმარების მანქანაში გონება დაკარგა. ექიმები ორი დღის განმავლობაში იბრძოდნენ მისი სიცოცხლისთვის, მაგრამ შეპარდს არ ჰქონდა საკმარისი ძალა გადარჩენისთვის.
ორ კვირაზე ნაკლები ხნის შემდეგ, 11 ოქტომბერს, უცნობმა თავდამსხმელმა ესროლა და მოკლა ტაქსის მძღოლი პოლ სტაინი. მკვლელობა, ისევე როგორც ყველა წინა, გვიან საღამოს (21:55 საათზე) მოხდა. უცნობმა თავდამსხმელმა, ვაშინგტონისა და მეიპლის ქუჩების კვეთაზე, მძღოლს, მითითებულ მისამართზე მისვლისთანავე ესროლა თავში, როცა მანქანა გააჩერა. ამჯერად მკვლელმა აიღო საფულე, მანქანის გასაღები და მოკლულ მძღოლს მკლავიდან მაისურის ნაჭერი ჩამოგლიჯა. ზოდიაქო შეამჩნია სამმა მოზარდმა, რომლებიც იმ სახლის მეორე სართულზე იმყოფებოდნენ, სადაც მანქანა იდგა. მათ პოლიცია გამოიძახეს და განაცხადეს, რომ მკვლელმა დანაშაულის ადგილის დატოვებამდე საგულდაგულოდ წაშალა მისი დატოვებული კვალი.
როგორც ჩანს, დანაშაული ჩადენილი იყო ქალაქ სან-ფრანცისკოს ცენტრში, რომელიც დაფიქსირდა თვითმხილველების მიერ, მაგრამ პოლიციის ოფიცრებმა ვერ შეძლეს დამნაშავის დაკავება.
ცოტა მოგვიანებით, 14 ოქტომბერს, ზოდიაქომ დაადასტურა, რომ დანაშაული მისი ჩადენილი იყო. მტკიცებულებად დაურთო მისი პერანგის ნაჭერი.
გარდა ამისა, ამ წერილში ზოდიაქომ განაცხადა, რომ მისი განზრახვა იყო სკოლის ავტობუსზე თავდასხმა. გეგმა მარტივი იყო. კრიმინალი წერდა, რომ ჯერ მანქანის საბურავს ეროდა, შემდეგ კი გაფანტულ ბავშვებს დაუწყებდა სროლას. ეს, საბედნიეროდ, არ მოხდა.
1970 წელს ზოდიაქო განაგრძობდა წერილების წერას. მან თავზე აიღო ახალი დანაშაული, განაცხადა, რომ მან უკვე მოკლა 37 ადამიანი, შემდეგ კი გაუჩინარდა. პოლიციამ ვერ იპოვა მკვლელი.
მხოლოდ ახლახან მოხერხდა მისი იდენტიფიცირება, ოღონდ უკვე - სიკვდილის შემდეგ.
ასევე ნახეთ:
"ძალიან მოხუცი, მახინჯი და მსუქანი გავხდი..." - ჰიუ გრანტი 63 წლისაა
