"შენი გამოსვლა თაღლითობა და სირცხვილია" - ბორის ჯონსონი პუტინს

ბრიტანეთის ყოფილი პრემიერ-მინისტრი ბორის ჯონსონი რუსეთის მიერ უკრაინის ტერიტორიების ანექსიას ეხმაურება:

„ვლადიმერ პუტინო, შენი გამოსვლა თაღლითობა და სირცხვილია. მსოფლიომ არასოდეს უნდა მიიღოს თქვენი მოჩვენებითი რეფერენდუმი ან უკრაინის კოლონიზაციის თქვენი სასტიკი და უკანონო მცდელობა. ჩვენ ვდგავართ უკრაინელი ხალხის გვერდით და დაუღალავად დავუჭერთ მხარს, სანამ მათი ქვეყანა არ იქნება გაერთიანებული და თავისუფალი“, - წერს ჯონსონი „ტვიტერზე“.