სამგზავრო ავტობუსი ხრამში გადავარდა, დაღუპულია 36 მგზავრი (ინდოეთი)

ინდოეთში, უტარაკხანდის შტატში, სამგზავრო ავტობუსი ხრამში გადავარდა, რის შედეგადაც სულ მცირე 36 ადამიანი დაიღუპა და რამდენიმემ ტრავმები მიიღო. ინფორმაციას BBC ავრცელებს.

ადგილობრივი ხელისუფლების ინფორმაციით, ავტობუსის მძღოლმა საჭის დამორჩილება ვერ შეძლო და 50 მეტრის სიღრმის ხრამში გადავარდა. ავტოსაგზაო შემთხვევის დროს, ავტობუსში 44 მგზავრი იმყოფებოდა.

შტატის ხელისუფლებამ ავტოსაგზაო შემთხვევის გამოძიება დაიწყო.