სახლში „დასალაგებლად“ შესულმა ქალმა მოხუცს 77,400 ევრო და სამკაულები მოჰპარა (საბერძნეთი)

საბერძნეთში, დასალაგებლად“ შესულმა ქალმა მოხუცს 77,400 ევრო და სამკაულები მოჰპარა.

ამის შესახებ ბერძნული მედია წერს. 

ადგილობრივი მედიის ინფორმაციით, ბოშამ მოხუცს თავი დასუფთავების სამსახურის თანამშრომლად წარუდგინა. უთხრა, რომ სახლს დაულაგებდა და კორონავირუსის გამო დეზინფექციასაც ჩაუტარებდა. 

ბოშამ სახლიდან 77,400 ევრო აიღო და ძვირადღირებული სამკაულები მოიპარა. 

როდესაც მოხუცი ქალბატონი მიხვდა, რომ გაქურდეს, მომხდარის შესახებ პოლიციას შეატყობინა. არსებული ინფორმაციით, დამნაშავის ვინაობა დადგენილია, თუმცა, იგი, ამ დრომდე, არ დაუკავებიათ.