საბერძნეთში, პრემიერ-მინისტრის ​გადადგომას მოითხოვენ

საბერძნეთში, ოპოზიციონერის ფარული მიყურადების გამო, პრემიერ-მინისტრ კირიაკოს მიცოტაკისის ​გადადგომას მოითხოვენ.

საქმე ეხება ბერძენი კანონმდებლისა და ევროპარლამენტარის, სოციალისტური პარტიის ლიდერის, ნიკოს ანდროულაკისის ფარული მიყურადების გარშემო აგორებულ სკანდალს.

საბერძნეთის უშიშროების სამსახურში დაადასტურეს, რომ ოპოზიციონერი ტელეფონს ფარულად უსმენდნენ. თუმცა ქვეყნის პრემიერ-მინისტრმა მომხდართან კავშირი კატეგორიულად უარყო. 

სკანდალის აგორების შემდეგ საბერძნეთის ეროვნული დაზვერვის სამსახურის ხელმძღვანელმა თანამდებობა დატოვა. პოსტი დატოვა პრემიერ-მინისტრ მიცოტაკისის გენერალურმა მდივანმაც.