Ryanair-ის სამგზავრო თვითმფრინავი ათენის საერთაშორისო აეროპორტში ავარიულად დაეშვა - რა ხდება ადგილზე

ირლანდიური ავიაკომპანია Ryanair-ის სამგზავრო თვითმფრინავი ათენის საერთაშორისო აეროპორტში ავარიულად დაეშვა, მას შემდეგ, რაც Boeing 737-ის პილოტმა შესაბამის ორგანოებს შეატყობინა, რომ შესაძლოა ბორტზე ასაფეთქებელი მოწყობილობა იყოს. ინფორმაციას „როიტერი“ ავრცელებს. 

მედიის ცნობით, საბერძნეთის პოლიცია ათენის საერთაშორისო აეროპორტში დაშვებულ Ryanair-ის თვითმფრინავში ჩხრეკას აწარმოებს.

ამავე ინფორმაციით, მგზავრებისა და ეკიპაჟის წევრების სწრაფი ევაკუაცია მიმდინარეობს.  ბორტზე დაახლოებით 190 მგზავრი იმყოფებოდა.

პოლონეთის ქალაქ კატოვიცედან აფრენილი ხომალდი საბერძნეთში 2 გამანადგურებლის თანხლებით დაეშვა. აეროპორტში მობილიზებული იყო სახანძრო ეკიპაჟები.

პოლიცია მგზავრებს და მათ ბარგს ჩხრეკს.