რუსეთმა და ამერიკის შეერთებულმა შტატებმა პატიმრები გაცვალეს

რუსეთმა და აშშ-მა პატიმრები გაცვალეს. პატიმრების გაცვლა არაბთა გაერთიანებულ საამიროებში მოხდა.

გავრცელებული ინფორმაციით, რუსეთმა შეერთებულ შტატებს გადასცა ქსენია კარელინა, რომელსაც რუსეთში 12 წლით თავისუფლების აღკვეთა მიესაჯა უკრაინის შეიარაღებული ძალებისთვის თანხების შეგროვებისთვის.

ვაშინგტონმა, თავის მხრივ, მოსკოვს გადასცა არტურ პეტროვი, რომელიც დააკავეს ექსპორტის შეზღუდვების დარღვევის საქმეზე.