1 დეკემბრიდან მძღოლებისთვის ახალი წესები ამოქმედდება
1732391558
რუსეთის გასამხედროებული ორგანიზაცია ვაგნერი ცნობილია თავისი რიგების შევსებით ნასამართლევი დამნაშავეებით. ვინ არიან ეს ადამიანები და რა უბიძგებს მათ დარეგისტრირდნენ მებრძოლებად უკრაინიის წინააღმდეგ და წავიდნენ გარდაუვალ სიკვდილზე?
"ჩვენ გვჭირდება თქვენი კრიმინალური ნიჭი", - მიმართავს, დაჯგუფების ლიდერი ევგენი პრიგოჟინი შავებში გამოწყობილი პატიმრების მასას.
„ჩვენი იდეალური კანდიდატი, - განაგრძობს ის, - 30-45 წლის, ძლიერი, თავდაჯერებული, გამძლე მამაკაცია...”
ვიდეო გადაღებულია რუსეთის ციხეში. კადრებში ჩანს, რომ აუდიტორია კმაყოფილია. პრიგოჟინი დეტალურად აღწერს კაცების ტიპს, რომლებსაც იწვევს ვაგნერის ჯგუფის ბრძოლებში.
რეალურად, 50 000-ზე მეტი პატიმარი შეუერთდა ვაგნერს უკრაინაში რუსეთის შეჭრის შემდეგ - იტყობინება არაკომერციული ადვოკატირების ორგანიზაცია Russia Behind Bars.
მათგან ბევრი დეზერტირი გახდა, ბევრი მოკლეს ან ტყვედ ჩავარდა. ვაგნერის ძალები სერიოზულად შესუსტდა რუსეთის გამანადგურებელ ბრძოლაში ბახმუტსა და აღმოსავლეთ უკრაინის სხვა ქალაქებში.
მიუხედავად იმისა, რომ რუსეთში მებრძოლთა დაქირავება ტექნიკურად უკანონოა, ამან სახელმწიფოს ხელი არ შეუშალა ვაგნერელების გმირებად გადაქცევაში. ისინი იღებენ მედლებს და ჯილდოებს სიკვდილის შემდეგ, მონაწილეობენ პროპაგანდისტულ ფილმებში და კრძალავენ სამხედრო პატივით.
და მაინც, ვინ არიან ეს "იდეალური კანდიდატები?" და რა უბიძგებს მათ შეუერთდნენ თითქმის უიმედო ბრძოლას?
IStories-ის რეპორტიორებმა და ორგანიზაცია OCCRP-მ შეისწავლეს სამი ყოფილი პატიმრის ცხოვრების ისტორია, რომლებიც დარეგისტრირდნენ უკრაინაში ვაგნერისთვის ბრძოლაში და იქვე დაიღუპნენ. არცერთის სიცოცხლე რამდენიმე თვეზე მეტ ხანს არ გაგრძელებულა ბრძოლის ველზე. მეგობრებთან, ოჯახებთან, მსხვერპლებთან საუბარი იძლევა ერთი დასკვნის საშუალებას – ალკოჰოლიზმით და ძალადობით შეპყრობილი ადამიანები ციხიდან პირდაპირ ბრძოლის ველზე აღმოჩნდნენ.
“ჭეშმარიტების მაძიებელი“
ალექსანდრე სიტავიჩუსი მხოლოდ ორი თვის განმავლობაში იბრძოდა უკრაინაში, სანამ არ მოკვდებოდა. ოთხი შვილის მამა რუსულ სოფელში იმავე სასაფლაოზე დაკრძალეს, სადაც დაკრძალულია 2017 წელს, მის მიერვე მოკლული სამი ადგილობრივი. სწორედ ამ დანაშაულისთვის აღმოჩნდა ის ციხეში, ციხიდან კი ბრძოლის ველზე.
არაფხიზელ მდგომარეობაში მყოფი ალექსანდრე სიტავიჩუსი რასისტული მოტივით თავს დაესხა თანასოფლელებს, სამხრეთ-დასავლეთ რუსეთში მდებარე ლადოჟსკაიას კაზაკთა დასახლებას.
იმ დროისთვის ის უკვე იყო უკრაინის წინააღმდეგ ომის ვეტერანი, მან იქ იბრძოლა 2014 წელს, როდესაც რუსეთი ცდილობდა ქვეყნის აღმოსავლეთ რეგიონების უკრაინისგან ჩამოშორებას.
„საშა ასეთი ბიჭი იყო, სამართლიანობის გამძაფრებული გრძნობა ჰქონდა", - იხსენებს მისი მეგობარი ალექსეი გაივორონსკი. ”ის მაშინვე წავიდა დონბასში 2014 წელს, რათა გადაერჩინა ”რუსული სამყარო”.
„ასეთი იყო მისი პიროვნება", - ამბობს სიტავიჩუსის ქვრივი, ოქსანა. ”ის ყველგან უნდა ყოფილიყო. ის ყოველთვის სამართლიანი საქმისთვის იბრძოდა“.
2017 წლისთვის სიტავიჩუსი მშობლიურ ქალაქში დაბრუნდა. იმ ზამთრის ღამეს, მთვრალი იყო, ომის ძველ მეგობართან ერთად ქალაქის ერთადერთ გასართობ დაწესებულებას სტუმრობდა. ისინი გაურკევეველი მიზეზის გამო, ორ მამაკაცს ფიზიკურად დაუპირისპირდნენ.
მსხვერპლის ერთ-ერთი ნათესავი, რომელიც უსაფრთხოების გამო კონფიდენციალურობას არჩევს, იხსენებს როგორ დაიწყო საბედისწერო ღამე:
„სიტავიჩუსი და მისი მეგობარი კაფე-ბარ “ოგონიოკში“ მოდიან. ისინი სვამენ, ჩხუბობენ "ბოშებთან". სიტავჩუსი და მისი მეგობარი მიდიან და ამბობენ: "ჩვენ დავბრუნდებით".
ის შეიარაღდა კალაშნიკოვით, რომელიც სავარაუდოდ ომიდან ჰქონდა წამოღებული, სიტავიჩუსი დაბრუნდა ბარში თავის მეგობართან ერთად. მამაკაცები, რომლებსაც ისინი დაუპირისპირდნენ ადგილზე აღარ დახვდნენ, მაგრამ მათი სამიზნე გახდა პირველივე შემხვედრი ეთნიკურ უმცირესობის წარმომადგენელი.
პირველი მოკლეს ახალგაზრდა კაცი, სახელად არტემ მირზოიანი, რომელიც სომხური წარმოშობისაა.
„ისინი ესროდნენ ჩემს ძმას ბართან,” - ამბობს მისი ძმა არნოლდი, - “და ესროლეს დიჯეის, რომელსაც ნამდვილად არაფერი ჰქონდა საერთო ამ ინციდენტთან. ნაცისტებივით შემოვიდნენ... მათ უბრალოდ სურდათ რამდენიმე “ბნელი“, არარუსი ადამიანის დახვრეტა“.
ქუჩაში გამოსულმა სიტავიჩუსმა კიდევ ერთი ადამინი მოკლა - ავტომატიდან ესროლა 18 წლის ბოშას, რომელიც მანქანაში იჯდა და მეგობართან ერთად მხოლოდ მუსიკას უსმენდა.
ახლომდებარე ტყეში მცირე ხნით მიმალვის შემდეგ სიტავიჩუსი და მისი მეგობარი დააკავეს.
მიუხედავად მის მიერ ჩადენილი სისასტიკისა, ბევრმა ადგილობრივმა მხარი დაუჭირა სიტავიჩუსს. მსხვერპლთა ახლობლები კი მას მხოლოდ მკვლელად თვლიდნენ. ამ საქმემ რუსეთის ერთ პატარა სოფელში ეთნიკური კონფლიქტი გამოიწვია.
„საშინელება იყო უბრალოდ ქუჩაში გასვლა, რადგან ყველა ერთმანეთს ებრძოდა. მათ დაიწყეს სოციალურ ქსელებში ჯგუფების შექმნა [მოწოდებით] რუსების სოფლიდან არარუსების გაძევებისთვის. ძალიან საშინელი იყო ამ ყველაფრის წაკითხვა... სახლიდან არც კი გავსულვარ", - იხსენებს მოკლულის ნათესავი.
სიტავიჩუსი მკვლელობებისთვის გაასამართლეს და 21-წლიანი პატიმრობა მიუსაჯეს, თუმცა მხოლოდ ოთხი წელი მოიხადა: 2022 წელს მან ისარგებლა ვაგნერის ჯგუფის შეთავაზებით, რათა მოეპოვებინა თავისუფლება ომში წასვლის გზით.
ორი თვის შემდეგ ის სახლში დალუქული კუბოთი დაბრუნდა. სასტიკი დამნაშავე სამხედრო პატივით ადგილობრივ სასაფლაოზე დაკრძალეს.
იქაურები დღემდე კამათობენ – ვინ იყო სიტავიჩუსი - რუსეთის გმირი თუ დამნაშავე.
„ყოველ კვირა მივდივარ იმ სოფელში და დავდივარ სასაფლაოზე“, - ამბობს არნოლდ მირზოიანი, მოკლულის ძმა. „მე ვხედავ დროშებს, ვხედავ, როგორ დაკრძალეს სიტავიჩუსი. როგორ აფასებენ მას. უსიამოვნოა, რა თქმა უნდა”.
„როგორი გმირი შეიძლება იყოს ის, თუ მან მოკლა სამი ადამიანი?" - ამბობს მირზოიანის სხვა ნათესავი. ”მხოლოდ იმიტომ, რომ ის ომში წავიდა, ეს მას გმირად აქცევს?! არა, გმირი სულ სხვაა. ... ჩემთვის ძალიან უცნაურია, როგორ შეიძლება მკვლელი წავიდეს ომში და დაბრუნდეს, როგორც გმირი”.
„პატარა მგელი“
იური გავრიშოვი სამხრეთ რუსეთში მდებარე სოფელ კონსტანტინოვსკოეში მდებარე სკოლა ინტერნატში იზრდებოდა. იქ შეხვდა ქსენია პოდკორიტოვას. ორივე ობოლი იყო და მალე ურთიერთობა სასიყვარულო რომანში გადაიზარდა.
2017 წელს გავრიშოვმა ეჭვიანობის გამო მოკლა თავისი პარტნიორი - მას რამდენჯერმე დაარტყა თავში აგური.
ქალის VKontakte გვერდზე დღესაც წერია: ”იურა, ძალიან მიყვარხარ. შენ ჩემი საყვარელი ქმარი ხარ!”
სინამდვილეში ისინი ოფიციალურად არასოდეს ყოფილან დაქორწინებულნი, მაგრამ ადგილობრივებმა წყვილის ურთიერთობა გაიხსენეს.
„ის სულელურად ავად იყო, ამის გამო მოკლა ქალი”.
გავრიშოვი იყო ყველაზე უმცროსი 10 და-ძმიდან.
„პატარა მგლებივით ვიყავით - ჩვენ თვითონ გავზარდეთ“, - იხსენებს მისი უფროსი ძმა ნიკოლაი. ”გულწრფელად რომ გითხრათ, მას რაღაც აწუხებდა. ერთგვარი გადახრა. ჩვენი მშობლები ბევრს სვამდნენ...“
გავრიშოვის ძმებმა ბავშვობა გაატარეს სკოლა-ინტერნატებში და მის გარეთ, სანამ მათი მშობლები არ გარდაიცვალნენ. ძმებიდან სამი გარდაიცვალა, ერთი თვითმკვლელობით.
იური გავრიშოვს ჰქონდა შანსი განეცადა ნორმალური ცხოვრება, მაგრამ მან ეს შანსი ვერ გამოიყენა.
შეყვარებულის მოკვლის შემდეგ, 22 წლის ახალგაზრდა პოლიციას ჩაბარდა და საბოლოოდ რვა წელი მიუსაჯეს. ციხეში შესვლის შემდეგ შექმნა ახალი პროფილი სოციალური მედიის (VKontakte) საიტზე და მისი სტატუსის ასე განაახლა: "თუ თქვენ აპირებთ გარყვნილებას, მაშინ შემეხმიანეთ მხოლოდ პრინცესები" – დაწერა სოციალურ ქსელში და იქვე დაამატა, თუ როდის დასრულდებოდა მისი პატიმრობა: „2026“.
გასულ შემოდგომაზე ვაგნერის რეკრუტერები მის ციხეში მივიდნენ და შეთავაზებას – ებრძოლა უკრაინაში – სიამოვნებით დათანხმდა.
„მას შემდეგ მე აღარაფერი მსმენია მისგან”, - ამბობს ნიკოლაი, გავრიშოვის ძმა.
იმის გასარკვევად, თუ რა დაემართა მის ძმას, დარეკა ვაგნერის ცხელ ხაზზე. მეორე ბოლოდან ხმამ დაამშვიდა: „რამე რომ მომხდარიყო“, თქვა დისპეჩერმა, „ამის შესახებ უკვე გაიგებდით“.
ნიკოლაიმ ძმის გარდაცვალების შესახებ მხოლოდ მაშინ შეიტყო, როდესაც მას დაუკავშირდა IStories-ის რეპორტიორი, რომელმაც ვაგნერის სასაფლაოზე იურის საფლავის ქვის ფოტო შენიშნა. ფოტო, რომელიც ადგილობრივმა ბლოგერმა გამოაქვეყნა, გადაღებულია გავრიშოვის მშობლიური ქალაქიდან ასობით კილომეტრში.
ნიკოლაი წუხდა, რომ ხელისუფლებამ მას არ აცნობა ძმის გარდაცვალების შესახებ, მაგრამ, როგორც ჩანს, არ ჰქონდა მყარი მოსაზრება მისი ძმის არჩევანზე. “იურის დარწმუნების მცდელობა ომში არ წასულიყო, უაზრო იქნებოდა“, - თქვა მან.
„ყველა ადამიანს თავის ბედისწერა აქვს. ალბათ ეს ეწერა", - ამბობს ნიკოლაი გავრიშოვი.
„უბრალოდ ქურდი“
იმავე ვაგნერის სასაფლაოზე დაკრძალულია კიდევ ერთი ადამიანი, რომლის უმიზნო, რთული ცხოვრება ცოტათი განსხვავდებოდა იური გავრიშოვისგან.
მის მიერ ატვირთულ ფოტოზე დიმიტრი ვაშჩენკო ლოგინზე ზის და გაკვირვებული უყურებს კამერას. სხეული ტატუირებულია. ფოტო ციხის კოლონიაშია გადაღებული.
„ის გამოდიოდა ციხიდან, ერთი თვე დადიოდა სოფელში და ისევ რაღაცას იპარავდა”, - ამბობს ტატიანა ორეხოვა, რომელსაც ვაშჩენკომ ერთხელ ძროხა მოპარა. ”უბრალოდ ქურდი იყო. არავის არაფერი უთქვამს მასზე კარგი. სოფელში თითქმის არასოდეს ყოფილა. ის ყოველთვის ციხეში იყო, ყოველთვის!”
ვაშჩენკოს კრიმინალური ჩანაწერი ადასტურებს ამ ამბავს: პოლიციის ჩანაწერებში ჩანს, რომ მან სცადა მაღაზიის გაძარცვა, მანქანის მოპარვა და მეზობლის სახლიდან ნივთების მოპარვა.
გავრიშევების მსგავსად, ვაშენკოს ოჯახიც სიღარიბეში ცხოვრობდა.
„ისინი არ არიან ბოროტები. არა მგონია, რომ ვინმეს მოკლავდნენ,” - ამბობს ორეხოვა, რომელმაც გადაწყვიტა არ შეეტანა ოფიციალური საჩივარი ვაშჩენკოს წინააღმდეგ მას შემდეგ, რაც მან ძროხა მოიპარა. ”ეს მხოლოდ ქურდობაა, არავის უსწავლებია მისთვის რაიმე უკეთესი. დედა მთელი ცხოვრება სვამდა”.
2020 წელს ვაშენკოს უფრო სერიოზული პრობლემები შეექმნა მას შემდეგ, რაც ციხეში ჰაშიშისა და სხვა ნარკოტიკების ტომრებით შეტანა სცადა. სასამართლოში თავის ქმედებას “ახსნაც“ მოუძებნა – მე იქ ვიხდიდი სასჯელს და ვიცი, რამდენად სჭირდებათ პატიმრებს ნარკოტიკებიო. მოსამართლემ მას 10-წლიანი პატიმრობა მიუსაჯა.
მას შემდეგ რაც დააპატიმრეს, ალინა კოლომეიცევამ, ადგილობრივმა ქალმა, რომელიც ვაშენკოს ერთგვარი მშობლის როლს ასრულებდა, მისგან მიიღო შეტყობინება: „შენთვის რომ მომესმინა, არ მომისჯიდნენ“, - წერს ის. ”მე მესმის, რომ ნაბიჭვარი ვარ. ჯერ ვმოქმედებ, მერე ვფიქრობ. ვეცდები ტვინი გავააქტიურო. ”
„ეს ჩვეულებრივი ოჯახი იყო,” - იხსენებს ის ვაშენკოებს. "რა მოხდა? იქნებ 90-იანი წლები? სიღარიბე? დედა გარდაეცვალათ. მერე ბავშვები რატომღაც სხვა გზით წავიდნენ. ერთი და გარდაიცვალა. მეორე დაიკარგა და ერთმა თავი ჩამოიხრჩო“.
ვაშენკოს უყვარდა კარგი ცხოვრება, - ამბობს კოლომეიცევა, - მაგრამ მას არ უყვარდა მუშაობა და ვერ შეინარჩუნა სამუშაო, სადაც მან მოაწყო.
„მას არ შეუძლია ნორმალურად ცხოვრება, არ შეუძლია სამსახურში წასვლა", - ამბობს ის. „ნარკოტიკები რომ არა, იქნებ რაიმე სასარგებლო გაეკეთებინა. მაგრამ ის წავიდა იქ, სადაც არ უნდა წასულიყო”.
ვაშენკოს გადაწყვეტილება, შეუერთდეს ვაგნერს, მისი თქმით, იყო გზა იმ ცხოვრებისგან თავის დაღწევის, რომელსაც ის ჩიხად თვლიდა.
„ვფიქრობ, ეს იყო მისი ერთადერთი გამოსავალი", - ამბობს კოლომეიცევა. „ის წავიდა, რადგან მისთვის ეს ცხოვრება უაზრო იყო. რა თქმა უნდა, ეს საკმაოდ დიდი თემაა, რადგან ეს ომიც ცოტა უაზრო გახდა“.
სხვა სიახლეები
