რუსეთის განადგურების სურვილი მსოფლიოს დასასრულს ნიშნავს - რუსეთის პატრიარქი

რუსეთის განადგურების სურვილი მსოფლიოს დასასრულს ნიშნავს, – ამის შესახებ რუსეთის პატრიარქმა, კირილმა განაცხადა.

კირილის თქმით, რუსეთის დამარცხების სურვილმა ძალიან საშიში ფორმა მიიღო, რუსეთს აქვს მძლავრი იარაღი და დასახლებულია ძლიერი ადამიანებით, რომლებიც ყოველთვის მოტივირებული იყვნენ გამარჯვებისთვის.

„არის ძალიან დიდი საფრთხე მსოფლიოსთვის, ჩვენი ქვეყნისთვის და მთელი კაცობრიობისთვის, რადგან ზოგიერთ გიჟს ჰქონდა აზრი, რომ დიდი რუსული სახელმწიფოს დამარცხება ან, როგორც ახლა ამბობენ, „გადაკეთება“ შეიძლება.

რუსეთის დამარცხების ამ სურვილმა დღეს ძალიან საშიში ფორმები შეიძინა. ვევედრებით უფალს, რომ გაანათლოს ეს გიჟები და დაეხმაროს მათ, გაიგონ, რომ რუსეთის განადგურების ნებისმიერი სურვილი მსოფლიოს დასასრულს ნიშნავს“, – თქვა რუსეთის პატრიარქმა ქადაგებაში.