„როგორც კი ბავშვი გააცოცხლეს, გარდაცვლილმა დედამ ისევ დაიწყო სუნთქვა“ - შობის ღამეს მომხდარი სასწაული

კოლორადოს მცხოვრები, ტრეისი ჰერმანსტორფერის ისტორია შობის ღამის სასწაულთანაა დაკავშირებული,- ამის შესახებ უცხოური მედია წერს.

2009 წლის შობის ღამეს, ტრეისის მშობიარობა დაეწყო, ყველაფერი სწრაფად განვითარდა. მშობიარობის დაწყებიდან რამდენიმე წუთში ქალმა სუნთქვა შეწყვიტა. უმძიმეს ვითარებაში ჩავარდნილმა ექიმებმა ბავშვის გადასარჩენად განაგრძეს ბრძოლა, მაგრამ ბავშვი მკვდარი დაიბადა.

ეს ყველაზე მძიმე ღამე იყო ტრესის მეუღლისთვის. მან გააცნობიერა, რომ ახლახანს ყველაფერი დაკარგა.

სწორედ ამ დროს მოხდა სასწაული. ექიმების ბრძოლამ შედეგი გამოიღო და ბავშვი გაცოცხლდა. ამ სასუალს რამდენიმე წამში მეორე სასწაულიც მოჰყვა. როგორც კი ბავშვი გააცოცხლეს, დედამ ისევ დაიწყო სუნთქვა.

მიუხედავად იმისა, რომ დედასა და შვილს მთელი 4 წუთის განმავლობაში შეწყვეტილი ჰქონდათ სუნთქვა,  ტვინის აქტივობა, არტერიული წნევა. ორივენი სრულად ჯანმრთელები არიან.