„როგორ ხარ, აფხაზეთო, ყველაფერი კარგადაა?“ - რასელ ქროუს ამ ტვიტს დიდი გამოხმაურება მოჰყვა

ახალ ზელანდიური წარმოშობის ავსტრალიელი მსახიობის, 2001 წელს ფილმ „გლადიატორში" მთავარი როლის შესრულებისთვის ოსკაროსან, რასელ ქროუს Twitter-ზე დაწერილ ფრაზას „როგორ ხარ, აფხაზეთო, ყველაფერი კარგადაა?“ დიდი გამოხმაურება მოჰყვა.

სოციალური ქსელის მომხმარებლებმა მას ადგილობრივი ბუნების ამსახველი ფოტოები გაუზიარეს.

„აფხაზეთი საქართველოა, მაგრამ ახლა ოკუპირებულია რუსეთის მიერ“, - წერს კომენტარის საპასუხოდ ერთ-ერთი მომხმარებელი.

ასევე რასელ ქროუს ტვიტს დე ფაქტო რესპუბლიკის საგარეო საქმეთა სამინისტროც გამოეხმაურა და იგი „ოფიციალური ვიზიტით“ მიიწვია.