Reuters: აშშ-ის ოფიციალური პირები აცხადებენ, რომ უკრაინამ უფრო ნაკლები რუსული თვითმფრინავი დააზიანა, ვიდრე თავდაპირველად იყო გაცხადებული

 აშშ-ის შეფასებით, დრონების გამოყენებით უკრაინის თავდასხმის შედეგად, დაზიანდა დაახლოებით 20 რუსული სამხედრო თვითმფრინავი, მათგან დაახლოებით 10 სრულად განადგურებულია. ინფორმაციას ამის შესახებ სააგენტო Reuters-ი ამერიკულ ოფიციალურ წყაროებზე დაყრდნობით ავრცელებს.

ეს რიცხვი დაახლოებით ორჯერ ნაკლებია, ვიდრე უკრაინამ თავის შეფასებებში დაასახელა - საუბარი იყო 41 დაზიანებულ თვითმფრინავზე.

მიუხედავად ასეთი განსხვავებებისა, ამერიკული წყაროები ამ თავდასხმას ძალიან მნიშვნელოვანად აფასებენ.

ამავე დროს, Reuters-ის ერთ-ერთმა თანამოსაუბრემ აღნიშნა, რომ ამ ოპერაციის შემდეგ მოსკოვმა შესაძლოა კიდევ უფრო ხისტი პოზიცია დაიკავოს ომის დასრულებასთან დაკავშირებულ მოლაპარაკებებში.