რამდენიმე ფაქტი ელიზაბეტ II-ის ქალიშვილის, 72 წლის პრინცესა ანას შესახებ - ანას თხოვნით შვილებს სამეფო ტიტულები ჩამოართვეს, რათა ჩვეულებრივი ადამიანებივით ეცხოვრათ

სულ რაღაც 2 კვირის წინ ბრიტანეთის პრინცესა ანა, დედოფალ ელიზაბეტ II-ისა და მეფე ფილიპ VI-ის ერთადერთი ქალიშვილმა, 72 წლის იუბილე აღნიშნა.

გთავაზობთ რამდენიმე საინტერესო ფაქტს პრინცესას ბიოგრაფიიდან.

1.პრინცესა ანა დაიბადა 1950 წლის 15 აგვისტოს ლონდონში და გახდა მეორე შვილი დედოფალ ელიზაბეტ II-ისა და ედინბურგის პრინც ფილიპის ოჯახში. ჰყავს სამი ძმა - უფროსი პრინცი ჩარლზი და ორი უმცროსი - პრინცი ენდრიუ და პრინცი ედვარდი.
2. პრინცესა სწავლობდა ბენენდენის გოგონების დახურულ სკოლაში, პარალელურად დადიოდა ცეკვისა და ფორტეპიანოს გაკვეთილებზე, სწავლობდა უცხო ენებს. იმ დროს სამეფო ოჯახში მომუშავე გუვერნანტებმა თქვეს, რომ პატარა პრინცესას ჯიუტი ხასიათი ჰქონდა და ყოველთვის აღწევდა იმას, რაც სურდა.
3. მიუხედავად იმისა, რომ ანას მშობლები დიდად არ მონაწილეობდნენ მის აღზრდასა და განვითარებაში, ანას მათთან თბილი ურთიერთობა ჰქონდა. როდესაც 18 წლის გახდა, ანამ დაიწყო დედის, დედოფალ ელიზაბეტ II-ის თანხლება სხვადასხვა ღონისძიებებზე.
4. 1987 წელს ელიზაბეთმა ქალიშვილს პრინცესას სამეფოს წოდება მიანიჭა.

5.პრინცესა ანა იყო ბრიტანეთის სამეფო ოჯახის ერთადერთი წევრი, რომელმაც იასპარეზა ოლიმპიადაზე (1976 წლის მონრეალის ოლიმპიადაზე იასპარეზა ცხენოსნობაში და ინდივიდუალურ ჩემპიონატში 24-ე ადგილი დაიკავა).
6. პრინცესა ორჯერ იყო დაქორწინებული. იგი ასევე ხვდებოდა ენდრიუ პარკერ-ბოულსს.  1973 წელს ანა დაქორწინდა კაპიტან მარკ ფილიპსზე. მათი ქორწილი შედგა 1973 წლის 14 ნოემბერს ვესტმინსტერის წმინდა პეტრეს კოლეგიურ ეკლესიაში. ანა მასთან ერთად ცხოვრობდა 18,5 წელი (განქორწინდნენ 1992 წლის 23 აპრილს).

7. ანას და მარკს ორი შვილი ჰყავდათ: ვაჟი პეტრე და ქალიშვილი ზარა. დედის თხოვნით ბავშვებს სამეფო ტიტულები ჩამოართვეს, რათა ჩვეულებრივი ადამიანებივით ეცხოვრათ.

8. მარკ ფილიპსთან განქორწინების შემდეგ პრინცესა ანა მეორედ დაქორწინდა. ტიმოთი ლოურენსი გახდა მისი რჩეული. ისინი დაქორწინდნენ 1992 წლის 12 დეკემბერს შოტლანდიის კრატის ეკლესიაში (შოტლანდიის ეკლესია უფრო ლიბერალურია განქორწინებული ადამიანების მიმართ).

9. 1974 წელს პრინცესა ანას მკვლელობის მცდელობა განხორციელდა. იმ საღამოს ის და მარკ ფილიპსი ბუკინგემის სასახლეში ბრუნდებოდნენ. წყვილი მძღოლიანი ლიმუზინით მოძრაობდა, როდესაც მათ მანქანამ გადაუსწრო, მკვეთრად დაამუხრუჭა და ქუჩა გადაკეტა. მძღოლი, რომელმაც წესები დაარღვია, მანქანიდან გადმოხტა და ლიმუზინს ცეცხლი გაუხსნა. დაშავდა პრინცესას მძღოლი და მისი ერთ-ერთი მცველი. დამნაშავე 26 წლის უმუშევარი, იან ბოლი გახლდათ, რომელიც მალევე დააკავეს. ინციდენტს შემთხვევით შეესწრო მოკრივე რონი რასელი, რომელიც იმ დროს სახლში ბრუნდებოდა. მან დამნაშავეს დაარტყა, რომელიც შემდგომ დააკავეს. დედოფალმა ელიზაბეტ II-მ რონი რასელი წმინდა გიორგის მედლით დააჯილდოვა.

10. დედამისის, დედოფალ ელიზაბეტ II-ის მსგავსად, პრინცესა ანას უყვარს ცხენები.