ქალმა პარტნიორის სახელი სხეულზე ტატუს სახით 250-ჯერ დაიწერა

ნიდერლანდებში მამაკაცმა პარტნიორი აიძულა საკუთარ სხეულზე მისი სახელი ტატუს სახით 250-ზე მეტჯერ დაეწერა. მათ შორის სახეზეც. ამის შესახებ წერს Republic World.

დაზარალებული, სახელად იოკე, ორი წლის განმავლობაში ყოფილი პარტნიორის  მხრიდან მკაცრი კონტროლის ქვეშ ცხოვრობდა. მამაკაცმა აიძულა ქალი მისი სახელის ტატუირება გაეკეთებინა ხელებზე, ფეხებზე, მკერდზე, დუნდულებზე, ტორსზე, შუბლზე და ლოყებზე.  მამაკაცი ქალს აიძულებდა, ტატუები ყოველ ჯერზე გაეკეთებინებდა, როცა მის მიმართ ეჭვი გაუჩნდებოდა. 

საბოლოოდ იოკემ 2 წლის შემდეგ შეძლო ამ ურთიერთობის დასრულება.

ჰოლანდიური გამოცემა Hart van Nederland-ის მიერ გავრცელებულ ემოციურ ვიდეოში იოკე ამბობს, რომ ყოველ დილით, სარკეში ჩახედვისას, საკუთარ თავს კი არა, იმ ადამიანის სახელს ხედავს, რომელმაც მას ტკივილი მიაყენა. „ეს უბრალოდ მელანი არ არის — ეს მუდმივი შეხსენებაა იმ ტკივილისა, რომელიც მან მომაყენა“, — განაცხადა მან.