1740388324
მოსკოვში გამართული მოლაპარაკებების შემდეგ რუსეთის პრეზიდენტი ვლადიმერ პუტინი და ჩინეთის ლიდერი სი ძინპინი ორ ერთობლივ განცხადებას მოაწერენ ხელს, ჯამში 10-ზე მეტი დოკუმენტის ხელმოწერა იგეგმება. ამის შესახებ ჟურნალისტებს რუსეთის სახელმწიფო მეთაურის თანაშემწემ იური უშაკოვმა განუცხადა.
„ერთობლივი დოკუმენტების ხელმოწერა მოხდება, ლიდერები უშუალოდ მოაწერენ ხელს ორ მთავარ დოკუმენტს - რუსეთის ფედერაციისა და ჩინეთის ერთობლივ განცხადებას ყოვლისმომცველი პარტნიორობის ურთიერთობების გაღრმავების და სტრატეგიული ურთიერთქმედების ახალ ეპოქაში შესვლის შესახებ“, - განაცხადა კრემლის წარმომადგენელმა.
უშაკოვის თქმით, ორი დოკუმენტის გარდა, ჯერ კიდევ ბევრი დოკუმენტი მუშავდება იმისთვის, რომ თანამშრომლობა განსხვავებულ სფეროებზე გადავიდეს.
როგორც ცნობილია, სი ძინპინი 20-22 მარტს მოსკოვს ოფიციალური ვიზიტით ეწვევა და რუსეთის პრეზიდენტ ვლადიმერ პუტინს შეხვდება.
სხვა სიახლეები
