„პოლონეთთან დაკავშირებით გადაწყვეტილებები მიიღება ვარშავაში და მხოლოდ ვარშავაში“ - პოლონეთის პრემიერის განცხადებით, უკრაინაში ჯარების გაგზავნა არ იგეგმება

პოლონეთის პრემიერ-მინისტრის დონალდ ტუსკის განცხადებით, ქვეყანა მეზობელ უკრაინაში ჯარების გაგზავნას არ გეგმავს.

„ცეცხლის შეწყვეტის შემდეგ უკრაინაში ამა თუ იმ ქვეყნის პოტენციური ყოფნის შესახებ სპეკულაციის აღსაკვეთად, ვიტყვი, რომ პოლონეთთან დაკავშირებით გადაწყვეტილებები მიიღება ვარშავაში და მხოლოდ ვარშავაში... ჯერჯერობით მსგავს რამეს [პოლონელი სამხედროების გაგზავნას] არ ვგეგმავთ“, - აღნიშნა ტუსკმა.