ნეპალში ავიაკატასტროფას სულ მცირე 40 ადამიანი ემსხვერპლა

ნეპალში ავიაკატასტროფას სულ მცირე 40 ადამიანი ემსხვერპლა. თვითმფრინავი, რომლის ბორტზეც 72 ადამიანი იმყოფებოდა, ცენტრალურ ნეპალში, აეროპორტის მახლობლად ჩამოვარდა. ამის შესახებ უცხოური მედია წერს. 

„იეთი ეარლაინსის“ თვითმფრინავი კატმანდუდან ტურისტულ ქალაქ პოხარაში მიფრინავდა. თვითმფრინავმა ავიაკატასტროფა აეროპორტიდან კილომეტრ ნახევარში, დაფრენისას განიცადა.

ბორტზე 68 მგზავრი და ეკიპაჟის ოთხი წევრი იმყოფებოდა.

ინციდენტის ადგილას ნეპალელი სამხედროები გაგზავნეს. ნეპალის პრემიერ-მინისტრმა, პუშპა კამალ დაჰალმა კაბინეტის საგანგებო სხდომა მოიწვია და სახელმწიფო უწყებებს მოუწოდა, იმუშაონ სამაშველო ოპერაციებზე.