„ის ევროპულ ფეხბურთში ერთ-ერთი ყველაზე დაუფასებელია“ - ნაკრების რომელ ფეხბურთელზე საუბრობს სანიოლი
1725736648
ილონ მასკმა თავის შვილს, ქსავიეს, რომელიც 2020 წელს ტრანსგენდერი გახდა, „მკვდარი“ უწოდა. ამის შესახებ X-ის მფლობელმა უახლეს ინტერვიუშიგანაცხადა.
„მე შვილი დავკარგე, ჩემი ვაჟი, ქსავიე მკვდარია, ის მოკლეს, – აცხადებს მასკი.
54 წლის მასკი ამბობს, რომ მას ფაქტობრივად ძალით მოაწერინეს ხელი საბუთებს, რომლის თანახმადაც მის შვილს ოპერაციამდე სქესობრივი მომწიფების „ბლოკატორები“ უნდა მიეღო. ექიმები მას მაფრთხილებდნენ, რომ წინააღმდეგ შემთხვევაში შესაძლოა მის შვილს სიცოცხლე თვითმკვლელობით დაესრულებინა.
„არ ამიხსნეს, რომ პუბერტატის ბლოკატორები სინამდვილეში, უბრალოდ, სტერილიზაციის წამლები იყო. დიახ, ეს იყო ტყუილი, ბოროტებით სავსე ტყუილი და ვინც ამას აკეთებს, ციხეში უნდა აღმოჩნდეს“, – იხსენებს ილონი.
მოგვიანებით, მასკმა თავის ბიოგრაფს განუცხადა, რომ მისი მცდელობები შვილის გულის მოსაგებად, წარუმატებელი აღმოჩნდა.
ცნობისთვის, ვივიენი ტყუპისცალ ძმასთან, გრიფინთან ერთად 2004 წელს, კალიფორნიაში დაიბადა, ის მასკისა და მისი პირველი ცოლის, ჯასტინ უილსონისშვილია. ქსავიე რამდენიმე წლის განმავლობაში ცდილობდა, თავისი გენდერული იდენტობა მამამისისთვის დაემალა. მან „ქამინგ-აუთი“ 2022 წელს გააკეთა. პარალელურად სახელი, ქსავიერი ვივიანად შეცვალა და დედის გვარზე, უილსონზე გადავიდა.