მე არ ვეკუთვნი ჩემს თავს, მზად ვარ, შევასრულო პუტინის ნებისმიერი ბრძანება, თუნდაც შედეგი იყოს სიკვდილი - რამზან კადიროვი

„მე არ ვეკუთვნი ჩემს თავს. მზად ვარ, შევასრულო ვლადიმერ ვლადიმეროვიჩის ნებისმიერი ბრძანება, თუნდაც შედეგი იყოს სიკვდილი“, - ასე გამოეხმაურა ჩეჩნეთის ლიდერი რამზან კადიროვი გამოცემა Bild-ის სტატიას, რომელიც წერს, რომ პრიგოჟინის შემდეგ, პუტინი კადიროვს მოკლავს.

რამზან კადიროვის თქმით, რუსეთის პრეზიდენტ ვლადიმირ პუტინთან სიცოცხლის ორგზის ვალშია.

„დღეს გამამხიარულა უცხოურ გამოცემებში რუსეთისგან განაწყენებული დაუმთავრებელი პოლიტოლოგების ანარეკლებმა, რომლებიც სწრაფ სიკვდილს მიწინასწარმეტყველებენ.

არ მომბეზრდება კიდევ ერთხელ გამეორება და კიდევ ერთხელ ვიტყვი სიამაყით: მე ვარ რუსეთის უმაღლესი მთავარსარდლის ქვეითი და არ ვეკუთვნი ჩემს თავს. მე ვეკუთვნი რელიგიას, სამშობლოს და მის ინტერესებს. და მზად ვარ შევასრულო ვლადიმერ ვლადიმროვიჩის ნებისმიერი ბრძანება, თუნდაც შედეგი იყოს სიკვდილი.

დიახ, შეიძლება მოულოდნელად მოვკვდე, როცა გავიგებ, რომ არის ჩემზე უფრო თავდადებული ჩვენი პრეზიდენტის პატივისცემის საკითხში, რომელსაც, სხვათა შორის, ჩემი სიცოცხლე მართებს. და არა ერთხელ, ორჯერ.

ამიტომ,  ყოველთვის საზიზღარი გულმოდგინებით ვუყურებ ისეთ ინფორმაციებს, რომლებიც ასეთი იაფფასიანი ხერხებით მოუწოდებენ ჩვენს ქვეყანაში უთანხმოების დასათესად. მათ მოუწევთ შეეგუონ ფაქტს, რომ ჩეჩნეთის რესპუბლიკის პირველი პრეზიდენტის, რუსეთის გმირის ახმატ-ხაჯი კადიროვის გუნდი არის ერთგული ქვეითების გუნდი, რომლისთვისაც სიკვდილი არ არის საშიში“, - წერს რამზან კადიროვი.