Maxi Jazz, დენ მაკაფერტი, ანჯელო ბადალამენტი... - 2022 წელს გარდაცვლილი ვარსკვლავები

2022 წელს მსოფლიომ დაკარგა ისეთი  ცნობილი და წარმატებულ ვარსკვლავები როგორებიც რეი ლიოტა, ლუი ანდერსონი, ლესლი ჯორდანი, აარონ კარტერი და ქულიო არიან. 

ჰარი პოტერის გულშემატკივრებს საყვარელ ჰაგრიდთან გამომშვიდობება მოუწიათ. ჰაგრიდის როლის შემსრულებელი, რობი კოლტრეინი 72 წლის ასაკში გარდაიცვალა. 

ჰიუსტონში 28 წლის რეპერი, ჰიპ-ჰოპ კოლექტივ Migos-ის ყოფილი წევრი Takeoff მოკლეს.

2022 წელს მსოფლიო დაემშვიდობა:

მაიკლ კორმაკ როტი 

ცნობილი ბრიტანელი მსახიობის, ტიმ როტის შვილი, მუსიკოსი მაიკლ კორმაკ როტი გარდაიცვალა. ის 25 წლის იყო. გავრცელებული ცნობით, გარდაცვალების მიზეზი სიმსივნე გახდა, რომელიც როტს 2021 წლის ნოემბერში დაუდგინეს.

დენ მაკაფერტი

76 წლის ასაკში გარდაიცვალა  შოტლანდიური როკ-ჯგუფის, Nazareth-ის ვოკალისტი და ერთ-ერთი დამაარსებელი, დენ მაკაფერტი. მუსიკოსის გარდაცვალების მიზეზი არ ვრცელდება, თუმცა 2013 წელს მაკაფერტიმ განაცხადა, რომ ჯანმრთელობის პრობლემების გამო, რეგულარულ გამოსვლებს წყვეტს. როგორც მუსიკოსმა მაშინ განაცხადა, მას ფილტვების ქრონიკული ობსტრუქციული დაავადება და კუჭის წყლული ჰქონდა.

 Maxi Jazz

ბრიტანული ელექტრონული ჯგუფის, Faithless-ის სოლისტი Maxi Jazz 65 წლის ასაკში გარდაიცვალა. 

„ვწუხვართ, რომ უნდა გაცნობოთ, Maxi Jazz გუშინ ღამით გარდაიცვალა. ის იყო ადამიანი, რომელიც ბევრი რამე შეცვალა ჩვენს ცხოვრებაში“ - დაწერა ჯგუფმა Facebook-ზე.

90-იან წლებში Faithless-ს პოპულარობა ისეთმა ჰიტებმა მოუტანეს, როგორებიცაა God Is A DJ, We Come 1 და Insomnia.

ანჯელო ბადალამენტი

ამერიკელი კომპოზიტორი, ანჯელო ბადალამენტი  დევიდ ლინჩის ფილმების საკულტო მუსიკის ავტორი იყო. გარდა ამისა, ის სხვადასხვა დროს თანამაშრომლობდა ისეთ მუსიკოსებთან, როგორებიც არიან დევიდ ბოუი, მერიან ფეითფული და ნინა სიმონე.

თუმცა ბადალამენტის სახელი ყველაზე ხშირად დევიდ ლინჩის შემოქმედებას უკავშირდება. „ტვინ პიქსისთვის“ დაწერილი მუსიკის გამო კომპოზიტორმა 1990 წელს გრემი მიიღო.

 კლარენს გილიარდი

ამერიკელი მსახიობის  გარდაცვალების შესახებ ინფორმაცია ნევადის უნივერსიტეტმა გაავრცელა, სადაც ის ხელოვნების კოლეჯში ასოცირებული პროფესორი იყო. მომხდარის ზუსტი მიზეზი ამ ეტაპზე არ საჯაროვდება.

თავისი ყველაზე ცნობილი როლები გილიარდმა ფილმებში „საუკეთესო მსროლელი“, „კერკეტი კეკელი“, „ვოქერი, ტეხასელი რეინჯერი“.

აირინ კარა

მსახიობი ფლორიდაში, საკუთარ სახლში გარდაიცვალა, თუმცა მომხდარის ზუსტი მიზეზი ამ ეტაპზე უცნობი.

კარას ყველაზე პოპულარული ნამუშევარია 1980 წლის ფილმი „დიდება“, რომელშიც მან მთავარი როლი ითამაშა და ამავე სახელწოდების სიმღერა შეასრულა. ფილმში „ცეცხლოვანი ცეკვა“ შესრულებული სიმღერისთვის Flashdance... What a Feeling კარამ„ოსკარი“ და „გრემი“ მიიღო.