მარტის შემდეგ, ღაზის სექტორზე ისრაელის თავდასხმების შედეგად, 600-მდე ბავშვია დაღუპული - გაერო

მარტის შემდეგ, ღაზის სექტორზე ისრაელის განახლებული თავდასხმების შედეგად, 600-მდე ბავშვი დაიღუპა, - ინფორმაციას გაეროს პალესტინელ ლტოლვილთა სააგენტო (UNRWA) ავრცელებს.

ამასთან, გაეროს ბავშვთა სააგენტოს (UNICEF) მიერ გამოქვეყნებულ მონაცემებზე დაყრდნობით, UNRWA იუწყება, რომ 1,600-ზე მეტი ბავშვია დაშავებული.

"სავარაუდოდ, 2023 წლის ოქტომბრის შემდეგ, ღაზაში ჰუმანიტარული კრიზისი ახლა ყველაზე მწვავედ დგას", - აცხადებს სააგენტოს წარმომადგენელი.

ისრაელის არმიამ ღაზაზე შეტევა 18 მარტს განაახლა.

"2023 წლის ოქტომბრიდან დღემდე, ისრაელის თავდასხმის შედეგად, ღაზაში 51,200-ზე მეტი პალესტინელი დაიღუპა, მათი უმეტესობა ქალი და ბავშვია", - აცხადებენ პალესტინელ ლტოლვილთა სააგენტოში.