მადლობა, პრეზიდენტო ტრამპ! - ისრაელის პრეზიდენტი

 ეს არის გადამწყვეტი მომენტი ტერორსა და იმედს შორის, – ასე გამოეხმაურა ისრაელის პრეზიდენტი ისააკ ჰერცოგი აშშ-ის დარტყმებს ირანის ბირთვულ ობიექტებზე.

„კაცობრიობის ისტორიაში, ეს არის მომენტი, როდესაც თავისუფლების, პასუხისმგებლობისა და უსაფრთხოების პრინციპებმაიზეიმა. გადამწყვეტი მომენტი ტერორის და ბოროტების ღერძსა და იმედის ღერძს შორის. მადლობა, პრეზიდენტო ტრამპ, მადლობა, აშშ. ეს მამაცი ნაბიჯი ემსახურება მთელი თავისუფალი მსოფლიოს უსაფრთხოებას და დაცულობას. ვიმედოვნებ, რომ ამას შედეგად მოჰყვება ახლო აღმოსავლეთისთვის უკეთესი მომავალი და ხელს შეუწყობს ღაზაში დატყვევებული ჩვენი მძევლების სასწრაფო გათავისუფლებას“, – წერს ჰერცოგი სოციალურ ქსელ X-ში.

ამასთან, ისრაელის პრეზიდენტი აღნიშნავს, რომ ბოლო საათში ირანის სარაკეტო დარტყმებით გამოჩნდა, რომ ეს კამპანია ჯერ არ დასრულებულა.

„მომავალი დღეები შესაძლოა, იყოს სენსიტიური, რთული და გამოწვევებით სავსე“ , – აღნიშნავს ის და ისრაელის მოქალაქეებს მოუწოდებს, გააგრძელონ ინსტრუქციების შესრულება და აჩვენონ პასუხისმგებლობა და სიმტკიცე, როგორც ამას აქამდე აკეთებდნენ.

In the pages of human history, this is a moment when the principles of liberty, responsibility, and security have triumphed. A decisive moment between the axis of terror and evil and the axis of hope.

Thank you, @POTUS @realDonaldTrump. Thank you, United States of America.…

— יצחק הרצוג Isaac Herzog (@Isaac_Herzog) June 22, 2025