ბათუმში კორპუსიდან ქალი გადმოვარდა
1736365947
ლოს ანჯელესში მასშტაბური ტყის ხანძრის გამო საგანგებო მდგომარეობა გამოცხადდა. როგორც მედია წერს, რამდენიმე საათში ცეცხლმა ოთხი ჰექტარიდან 1 170 ჰექტრამდე ტერიტორია მოიცვა.
სახანძრო სამსახურის უფროსის განცხადებით, 30 000-ზე მეტი ადამიანი ევაკუირებულია, ხოლო 13 000 შენობას საფრთხე ემუქრება.
ხანძარი გუშინ შეერთებული შტატების დროით დილის საათებში გაჩნდა და ის მაღალი ქარის გამო სწრაფად გავრცელდა დიდ ტერიტორიაზე.
ამასთან, კალიფორნიაში მილიონობით ადამიანისთვის წითელი დონის გაფრთხილება გამოცხადდა, რაც ხანძრის უკიდურეს საფრთხეს ნიშნავს.
პრეზიდენტმა ჯო ბაიდენმა ხანძრით დაზარალებულ ტერიტორიებზე მცხოვრებ მოსახლეობას მოუწოდა, დაემორჩილონ ადგილობრივი ხელისუფლების მითითებებს. თეთრი სახლის ინფორმაციით, ბაიდენი შტატს საჭირო დახმარებას გაუწევს.
