„ლამაზი, შესანიშნავი ქალი იყო, შთამაგონებელი ცხოვრებით“ - ტრამპის ყოფილი მეუღლე გარდაიცვალა

დონალდ ტრამპის პირველი ცოლი, ივანა ტრამპი 73 წლის ასაკში გარდაიცვალა.

უცხოური გამოცემის ცნობით, გარდაცვალების მიზეზი სხეულის დაზიანებები გახდა. ივანა ტრამპი ნიუ-იორკში, საკუთარ სახლში, კიბეზე დაეცა.

„ივანა იყო ლამაზი, შესანიშნავი ქალი, რომლის ცხოვრებაც შთამაგონებელი იყო," - თქვა დონალდ ტრამპმა ყოფილ ცოლზე.

წყვილს სამი საერთო შვილი ჰყავდა - დონალდ ჯუნიორი, ივანკა და ერიკ ტრამპები.

ივანა ტრამპი, რომელიც ჩეხოსლოვაკიაში დაიბადა, ყოფილ პრეზიდენტმზე 1977 წელს დაქორწინდა. ისინი 15-წლიანი თანაცხოვრების შემდეგ, 1992 წელს დაშორდნენ.