1725743393
ხანძარმა კალიფორნიაში ასზე მეტი შენობა გაანადგურა, ევაკუირებულია 4 ათასი ადამიანი
![კალიფორნია ხანძარი კალიფორნია ხანძარი](https://primetime.ge/uploads/files/2024/07/27/93995/kalifornia-khandzari_w_h.jpeg)
აშშ-ის კალიფორნიის შტატში ისტორიაში ერთ-ერთ ყველაზე ძლიერ ხანძარს ებრძვიან. ინფორმაციას ამის შესახებ ამერიკული ტელეარხი CNN-ი ავრცელებს.
ხანძარი სწრაფად ვრცელდება, და მეხანძრეები მასთან გამკლავებას ვერ ახერხებენ. ხანძარმა უკვე გაანადგურა ტყის მასივის ათასობით ჰექტარი და 134 შენობა-ნაგებობა. ამ დროისთვის 4 ათასი ადამიანის ევაკუაცია გახდა საჭირო.
კალიფორნიის გუბერნატორმა გევინ ნიუსომმა უკვე გამოაცხადა საგანგებო მდგომარეობა. მასშტაბური ხანძარი შტატში 24 ივლისს დაიწყო. მის გამომწვევ მიზეზად 42 წლის ადგილობრივი მკვიდრის მიერ ხევში ცეცხლმოკიდებული მანქანის გადაგდება სახელდება. მამაკაცი უკვე დაკავებულია.