ჯორდან ბარდელამ ურუსლა ფონ დერ ლაიენს მიმართა – ყოველ წელს აცხადებთ, რომ ევროპა ხელახლა ამოქმედდება, მაგრამ ჩვენს მოქალაქეებს თუ მოვუსმენთ, ვფიქრობ, სისტემა დასასრულს უახლოვდება

ყოველ წელს აქ გვესმის, როგორ ადიდებთ თქვენ მიერ გაკეთებულს და აცხადებთ, რომ ევროპა ყოველთვის ხელახლა ამოქმედდება, მაგრამ თუ ჩვენს მოქალაქეებს მოვუსმენთ, ვფიქრობ, სისტემა დასასრულს უახლოვდება, – ამის შესახებ საფრანგეთის ულტრამემარჯვენე „ეროვნული გაერთიანების“ ლიდერმა, ჯორდან ბარდელამ ევროპარლამენტში, ურსულა ფონ დერ ლაიენის მიერ ანგარიშის წარდგენის შემდეგ  განაცხადა.

მისი თქმით, 2026 წელს ერთმანეთის პარალელურად ორი ევროპა არსებობს – ერთ ევროპაში არის ბიურკრატია, სადაც ფულს ხარჯავენ და გადასახადებს აგროვებენ, მეორე ევროპაში ცხოვრება დღითი დღე ძვირდება.

ამასთან, ევროპარლამენტარმა ევროპის უსაფრთხოებაზეც ისაუბრა და განაცხადა, რომ სეუტის კრიზისის დროს ევროკავშირმა საკუთარი საზღვრების დაცვა ვერ შეძლო.

„სამწუხაროდ, თქვენი ევროპა არა მხოლოდ ყოველწლიურად უფრო ძვირია, არამედ ნაკლებად გვიცავს. ამ ზაფხულს სეუტაში ათიათასობით მიგრანტმა ევროპის საზღვარი სულ რაღაც რამდენიმე საათში გაარღვია. სეუტა ესპანურია და ესპანურად უნდა დარჩეს, მაგრამ სეუტის საზღვრები ჩვენი საზღვრებიცაა. და როდესაც საზღვარი შეიძლება სულ რაღაც რამდენიმე საათში დაიკავონ, ეს არ არის მხოლოდ მიგრაციული კრიზისი, ეს არის სუვერენიტეტის კრიზისი. სეუტა, ლამპედუზა, ბელარუსის საზღვარი. ევროპის ხალხებს ერთი რამ სურთ. მათ სურთ, რომ თქვენ დაიცვათ ჩვენი საზღვრები. მათ სურთ, რომ უკან დააბრუნოთ არალეგალური მიგრანტები, რომლებიც არალეგალურად შემოდიან ჩვენს კავშირში. ისინი არ უნდა გავრცელდნენ ჩვენს ქალაქებსა და სოფლებში, როგორც თქვენ გსურთ, რომ მოხდეს ჩვენი მიგრაციის პაქტის შედეგად“, – განაცხადა მან.

ამასთან, ბარდელამ აღნიშნა, რომ ევროკავშირში საჭიროა ბიუროკრატიის შემცირება და ზოგიერთი რეგულაციის გაუმქება. მისივე თქმით, ხალხი, რომელსაც თავისი საზღვრების დაცვა არ შეუძლია, გადრჩენას ვერ შეძლებს.

„დაბოლოს, მოდით, შევხედოთ ჩვენ გარშემო არსებულ სამყაროს. ომი უკრაინაში, ომი ახლო აღმოსავლეთში, ისლამისტური ტერორიზმი, საკვების დაუცველობა, ენერგეტიკული დაუცველობა. აშშ ინვესტიციებს დებს და ჩვენ კიდევ უფრო მეტ რეგულირებას ვაგრძელებთ. ჩვენ ვარეგულირებთ იმას, რისი დამზადებაც აღარ ვიცით. ჩვენ ვახდევინებთ გადასახადს იმ ნივთებზე, რომელთა დამზადებაც აღარ ვიცით და ასევე ვახდევინებთ გადასახადს იმ ნივთებზე, რომელთა წარმოებაც ევროპაში აკრძალულია. ეს არის მთავარი პარადოქსი ევროპაში და სწორედ ამიტომ უნდა შევიცვალოთ. ჩვენ უნდა ავაშენოთ ახალი ევროპული არქიტექტურა. ჩვენ უნდა ჩავრთოთ, ვიყიდოთ ევროპული სახელმწიფო შესყიდვები. როდესაც ფული ევროპულია, სამუშაო ადგილები ევროპაში უნდა იყოს. მოდით, მოვიშოროთ ბიუროკრატია, ეს აბსურდული და უსარგებლო წესები. დავიცვათ ჩვენი ფერმერები და ბიზნესები არაკეთილსინდისიერი კონკურენციისგან. მოდით, გვქონდეს ეროვნული ფონდები. მოდით, ინვესტიციები ჩავდოთ ტექნოლოგიებში, კოსმოსში, თავდაცვასა და ბირთვულ ენერგიაში.

ოცდამეერთე საუკუნე გვახსენებს სიმართლეს, რომელიც ევროპამ დაავიწყდა. ხალხი, რომელსაც არ შეუძლია, დაიცვას თავისი საზღვრები, არ შეუძლია ენერგიის წარმოება და შვილების გამოკვება, თავის ბედს სხვებს უტოვებს“, – განაცხადა მან.