ისრაელში „ჰამასის“ თავდასხმის შედეგად დაღუპულთა რაოდენობა 1 000-ს აჭარბებს

ისრაელზე „ჰამასის“ თავდასხმის შედეგად დაღუპულთა რაოდენობამ 1 000 ადამიანს გადააჭარბა.

ამის შესახებ ინფორმაციას აშშ-ში ისრაელის საელჩო “ტვიტერის” გვერდზე ავრცელებს.

მათი ცნობით, გარდაცვლილია 1 008 ადამიანი, ხოლო როგორც მინიმუმ 3 418 დაჭრილია.

ისრაელის თავდაცვის ძალებში აღნიშნეს, რომ მათ არ შეუძლიათ საელჩოს მიერ გავრცელებული ციფრების “დადასტურება ან უარყოფა”.

ისრაელის თავდაცვის ძალების სპიკერმა CNN-თან საუბარში აღნიშნა, რომ მათთვის 900 გარდაცვლილის შესახებ არის ცნობილი.

ასევე დაგაინტერესებთ:

i24 News: ისრაელის სამხრეთით აღმოაჩინეს 40 ბავშვის ცხედარი - ზოგიერთს თავი ჰქონდა მოჭრილი

კაილი ჯენერმა ინსტაგრამიდან ისრაელის მხარდამჭერი "სთორი" წაშალა

ისრაელში, მშობლები გააფრთხილეს, ბავშვებს TikTok-ი წაუშალონ