„ის ჩემი მეგობარი იყო ამ თანამდებობამდეც და მას შემდეგაც ასე მემახსოვრება“ - ანდრეი ერმაკი აცხადებს, რომ ზელენსკიზე ნაწყენი არ არის

 უკრაინის პრეზიდენტის ადმინისტრაციის ყოფილი ხელმძღვანელი ანდრეი ერმაკი აცხადებს, რომ პრეზიდენტ ზელენსკიზე ნაწყენი არ არის.

„ის ჩემი მეგობარი იყო ამ თანამდებობამდეც და მას შემდეგაც ასე მემახსოვრება“, - აღნიშნა ერმაკმა Financial Times-თან ინტერვიუში.

მან ასევე ისაუბრა დონალდ ტრამპის სამშვიდობო გეგმაზე გამართული მოლაპარაკების შედეგებზე. ერმაკის თქმით, მისი ხელმძღვანელობით ჟენევაში უკრაინულმა დელეგაციამ მიაღწია იმას, რომ ამერიკული მხარის მიერ თავდაპირველად შეთავაზებული 28-პუნქტიანი დოკუმენტი აღარ არსებობს.

ანდრეი ერმაკმა უკრაინის პრეზიდენტის ადმინისტრაციის უფროსის თანამდებობა 28 ნოემბერს კორუფციული სკანდალის გამო დატოვა. მანამდე უკრაინის ანტიკორუფციულმა ბიურომ მის სახლში ჩხრეკა ჩაატარა. გადადგომიდან მალევე ერმაკმა განაცხადა, რომ ფრონტზე წავა.