ჰილარი კლინტონი: ვიქტორ ორბანის ავტოკრატიული რეჟიმის დასასრული გამარჯვებაა არა მხოლოდ უნგრეთისთვის, არამედ მთელ მსოფლიოში იმ ადამიანებისთვის, რომლებიც დემოკრატიას აფასებენ

ვულოცავ „ტისას“, მომავალ ლიდერ პიტერ მაგიარს და უნგრელებს ყველგან, – ასე გამოეხმაურა აშშ-ის ყოფილი სახელმწიფო მდივანი ჰილარი კლინტონი უნგრეთის საპარლამენტო არჩევნებში ოპოზიციური პარტია „ტისას“ გამარჯვებას.

„ვიქტორ ორბანის ავტოკრატიული რეჟიმის დასასრული გამარჯვებაა არა მხოლოდ უნგრეთისთვის, არამედ მთელ მსოფლიოში იმ ადამიანებისთვის, რომლებიც დემოკრატიას აფასებენ“, – წერს ჰილარი კლინტონი სოციალურ ქსელში.

ხმათა 96.37 პროცენტის დათვლის შემდეგ ოპოზიციური პარტია „ტისა“ უნგრეთის პარლამენტში 138 მანდატს აგროვებს, რაც ნიშნავს, რომ საკონსტიტუციო უმრავლესობას მოიპოვებს.