გრემის ნომინანტები ცნობილია

ბიონსე გრემის ისტორიაში ყველაზე ბევრჯერ ნომინირებული მომღერალია. 2025 წლის გრემის ჯილდოსთვის მან 11 ნომინაცია მიიღო, რაც ნიშნავს იმას, რომ ჯამში, ბიონსე გრემისთვის 99-ჯერ ყოფილა ნომინირებული. ამ მხრივ, ტეხასელმა პოპ-შემსრულებელმა საკუთარი ქმრის, Jay-Z-ს რეკორდი გააუმჯობესა, რომელიც გრემიზე 88-ჯერ ყოფილა ნომინირებული.

ბიონსეს Cowboy Carter ალბომმა 11 ნომინაცია დააგროვა, მათ შორის, ნომინაცია საუკეთესო ალბომისთვის, საუკეთესო ქანთრი ალბომისთვის და წლის საუკეთესო სიმღერისთვის (Texas Hold 'Em).

მიუხედავად იმისა, რომ 32 გრემით ბიონსე გრემის ისტორიაში ყველაზე მეტად დაჯილდოებული მუსიკოსიცაა, მას წლის საუკეთესო ალბომის კატეგორიაში არასდროს გაუმარჯვია. ამ კატეგორიაში 2025 წელს ბიონსეს კონკურენციას გაუწევენ ნომინირებულები: André 3000, საბრინა კარპენტერი, Charli xcx, ბილი აილიში, ჯეიკობ კოლიერი, ჩაპელ რონი და ტეილორ სვიფტი.

ნომინაციების რაოდენობით ბიონსეს შემდეგ 7-7 ნომინაციით ლიდერობენ ბილი აილიში, კენდრიკ ლამარი, Post Malone და Charli xcx, ხოლო 6-6-ით - ტეილორ სვიფტი, ჩაპელ რონი და საბრინა კარპენტერი.

ნომინაცია მიიღო ლეგენდარულმა ბრიტანულმა ბენდმა The Beatles-მა წლის ჩანაწერის კატეგორიაში სიმღერისთვის Now And Then, რომელიც ჯონ ლენონის დაუსრულებელი ტრეკია და ის შარშან, ხელოვნური ინტელექტის დახმარებით დაასრულეს.

გრემის მთავარ კატეგორიებში ნომინირებული მომღერლების სია კი ასე გამოიყურება:

კატეგორია 1 - წლის ჩანაწერი:
"Now and Then" – The Beatles

"TEXAS HOLD 'EM" – ბიონსე

"Espresso" – საბრინა კარპენტერი

"360" – Charli xcx

"BIRDS OF A FEATHER" – ბილი აილიში

"Not Like Us" – კენდრიკ ლამარი

"Good Luck, Babe!" – ჩაპელ რონი

"Fortnight" – ტეილორ სვიფტი და Post Malone

კატეგორია 2 - წლის ალბომი
New Blue Sun – André 3000

COWBOY CARTER – ბიონსე

Short n' Sweet – საბრინა კარპენტერი