ღაზაში, ალ-აქსას საავადმყოფოს 600-მდე პაციენტისა და პერსონალის ადგილმდებარეობა ამჟამად უცნობია - ჯანმო

ღაზის სექტორში მდებარე ალ-აქსას საავადმყოფოს 600-მდე პაციენტისა და პერსონალის ადგილმდებარეობა ამჟამად უცნობია, - აცხადებს ჯანდაცვის მსოფლიო ორგანიზაციის ხელმძღვანელი.

ტედროს ადჰანომ გებრეიესუსის თქმით, საომარი მოქმედებების გამწვავებამ და ევაკუაციის შესახებ ისრაელის ბრძანებებმა ისინი იძულებული გახადა, დაწესებულება დაეტოვებინათ.

უსაფრთხოების გარანტიების არარსებობის გამო, ჯანმო-ს მოუწია, გაეუქმებინა 7 იანვარს დაგეგმილი მისია ღაზის ჩრდილოეთით მდებარე ხუთ საავადმყოფოში. შესაბამისად, დაწესებულებებს პირველადი საჭიროების მარაგი ვერ მიაწოდეს.

ღაზის ჯანდაცვის სამინისტროს ცნობით, 5-დან 7 იანვრამდე, 225 პალესტინელი დაიღუპა და 296 დაშავდა.