გაერო-ს გენერალური მდივანი პუტინის შემდეგ ვოლოდიმირ ზელენსკის შეხვდება

გაერო-ს გენერალური მდივანი ანტონიო გუტიერეში 28 აპრილს კიევს ეწვევა და პრეზიდენტ ვოლოდიმირ ზელენსკის შეხვდება. 

ორი დღით ადრე, 26 აპრილს გუტიერეში მოსკოვში ჩავა და ვლადიმერ პუტინს შეხვდება.  მთავარი განსახილველი საკითხი უკრაინაში მშვიდობის დასამყარებლად შემდგომი ნაბიჯებია.

უკრაინისა და რუსეთის პრეზიდენტებთან ცალ-ცალკე პირისპირ აუდიენციის მოთხოვნით, ოფიციალური წერილი გუტიერშმა ორი ქვეყნის წარმომადგენლებს 19 აპრილს გადასცა.