ფილმში "კრემლის ჯადოქარი" პუტინის როლს ჯუდ ლოუ შეასრულებს

 ინგლისელი მსახიობი, ჯუდ ლოუ ფრანგი რეჟისორის, ოლივიე ასაიასის ახალ ფილმში კრემლის ჯადოქარი (The Wizard of the Kremlin) ვლადიმირ პუტინის როლს შეასრულებს. ინფორმაცია მსახიობმა Deadline-თან ინტერვიუში დაადასტურა.

"ამას ყოყმანით ვამბობ, რადგან ამაზე მუშაობა ჯერ ნამდვილად არ დამიწყია. ვგულისხმობ იმას, რომ დავიწყე, თუმცა, თითქოს ჩემს წინ ევერესტია, მე კი ფერდობზე ვდგავარ და ზევით ვიყურები, ვფიქრობ: "ღმერთო, რატომ დავთანხმდი ამას?" ასე ხშირად ხდება, როდესაც რაღაცას ვთანხმდები. ამავდროულად, ვფიქრობ: "ღმერთო, როგორ უნდა გავაკეთო ეს?" მაგრამ არაუშავს ეს ყველაფერი ჩემი გადასაწყვეტია". - თქვა მსახიობმა.

ოლივიე ასაისის ფილმი The Wizard of the Kremlin ამავე სახელწოდების ნოველას ეფუძნება, რომელიც 2022 წელს იტალიელმა ესეისტმა და ნოველისტმა, ჯულიანო და ემპოლიმ დაწერა.

ნოველის მიხედვით, ფილმში მოთხრობილი იქნება რუსეთის პრეზიდენტის, ვლადიმირ პუტინის პოლიტიკური კარიერის საწყისი წლების შესახებ.