ეს იყო ათი საუკეთესო წელი ჩემს ცხოვრებაში - კამერონ დიასი დიდ ეკრანზე ბრუნდება

„ჰოლივუდის 52 წლის ვარსკვლავმა, კამერონ დიასმა ერთ-ერთ ინტერვიუში განაცხადა, რომ ათი წელი, რომელიც მან სამსახიობო კარიერის გარეშე გაატარა, საუკეთესო იყო მის ცხოვრებაში“, - წერს SkyNews-ი.

დიასის თქმით, ეს დრო მან ოჯახთან გაატარა და საკუთარი თავის პოვნას დაუთმო.

„მე ეს მომწონდა. ეს ჩემი ცხოვრების საუკეთესო ათი წელი იყო“, - განაცხადა დიასმა

დიასი და ბენჯი მედენი 2024 წლის მარტში მეორე შვილის მშობლები გახდნენ. მათ ვაჟი შეეძინათ, რომელსაც კარდინალი დაარქვეს. 2019 წელს მათ პირველი შვილი ეყოლათ.

გოგონას რედიქსი დაარქვეს. ათწლიანი პაუზის შემდეგ დიასის დებიუტი Netflix-ის ფილმში, Back in Action შედგება, სადაც მსახიობი ჯეიმი ფოქსს გაუწევს პარტნიორობას. ფილმის პრემიერა 2025 წლის იანვარშია დაგეგმილი.