ერდოღანი აცხადებს, რომ სტამბოლში აფეთქება, შესაძლოა, ტერორისტულ თავდასხმას უკავშირდებოდეს

სტამბოლში, ისტიკლალის ქუჩაზე აფეთქების შედეგად მსხვერპლთა რაოდენობა ექვსამდე გაიზარდა, – ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.

მისივე თქმით, აფეთქების შედეგად 53 ადამიანია დაშავებული.

ერდოღანმა ასევე აღნიშნა, რომ სტამბოლის გუბერნატორის წინასწარი მონაცემების საფუძველზე, აფეთქება შესაძლოა, ტერორისტულ თავდასხმას უკავშირდებოდეს.

ცნობისთვის, მომხდართან დაკავშირებით, საქართველოს საგარეო უწყებაში აცხადებენ, რომ სტამბოლში საქართველოს გენერალურ საკონსულოში, ოფიციალური შეტყობინება საქართველოს მოქალაქეების შესახებ არ შესულა.