ტრამპი პირველი ოქტომბრიდან სხვა ქვეყნებში წარმოებულ სატვირთო ავტომობილებზე 25-პროცენტიან ტარიფს დააწესებს

აშშ-ის პრეზიდენტმა, დონალდ ტრამპმა იმპორტირებული საქონლის ფართო სპექტრზე ახალი ტარიფები დააწესა, რომლებიც ძალაში პირველ ოქტომბერს შევა.

აღნიშნული ტარიფები მოიცავს: 100%-იან ტარიფს ფარმაცევტულ პრეპარატებზე, 50%-იან ტარიფს სამზარეულოს კარადებისა და ავეჯზე, 30%-იან ტარიფს რბილ ავეჯზე და 25%-იან ტარიფს სატვირთო ავტომობილებზე.

დონალდ ტრამპმა განაცხადა, რომ 100%-იანი ტარიფი გავრცელდებოდა ყველა იმპორტირებულ ფარმაცევტულ პროდუქტზე, გარდა იმ კომპანიებისა, რომლებმაც უკვე დაიწყეს საწარმოო ქარხნის მშენებლობა აშშ-ში.

ავეჯზე ტარიფების გამოცხადებისას აშშ-ის პრეზიდენტმა აღნიშნა, რომ ამის მიზეზია ქვეყანაში მსგავსი პროდუქტების დიდი მასშტაბით „შემოდინება“.

ამასთან, ტრამპმა ხაზგასმით აღნიშნა, რომ სატვირთო ავტომობილებზე ახალი ტარიფები მიზნად ისახავს აშშ-ის მწარმოებლების დაცვას „უსამართლო გარე კონკურენციისგან“.

ავსტრალიის ჯანდაცვის მინისტრმა, მარკ ბატლერმა ჟურნალისტებს განუცხადა, რომ მთავრობა მუშაობს იმის გასაგებად, თუ რა შედეგები მოჰყვება ახალი „უსამართლო, გაუმართლებელ ტარიფებს 20-წლიანი თავისუფალი ვაჭრობის შემდეგ“.