დაღუპულთა რაოდენობა 16-მდე გაიზარდა, დამწვარია თხუთმეტი ათასზე მეტი სახლი... - განახლებული ინფორმაცია ლოს-ანჯელესიდან

ლოს-ანჯელესში მასშტაბური ხანძრის შედეგად დაღუპულთა რაოდენობა16-მდე გაიზარდა. სამედიცინო ექსპერტიზის დეპარტამენტის განცხადებით, ხუთი ადამიანია დაღუპული პასიფიკ-პალისეიდსის რაიონში, ხოლო თერთმეტი – ქალაქ პასადენას სამხრეთით.

სამედიცინო ექსპერტები ვარაუდობენ, რომ დაღუპულთა რიცხვი, შესაძლოა, მეტი იყოს.

როგორც „სიენენი“ წერს, პასიფიკ-პალისეიდსის ხანძარი 11%-ითაა ლოკალიზებული, თუმცა ვარაუდობენ, რომ ხანძარი ახლა ბრენტვუდისა და სხვა დასახლებებისკენ გავრცელდება. 100 000-ზე მეტი ადამიანი კვლავ ევაკუაციის ბრძანების ქვეშ რჩება, რადგან ქალაქ პასადენას სამხრეთით ცეცხლს კვლავ ვერ აქრობენ.

შეგახსენებთ, კალიფორნიაში მასშტაბურ ხანძარს ებრძვიან. ხანძრის პირველი კერა 7 იანვარს პასიფიკ-პალისეიდსის რაიონში გაჩნდა. ძლიერი ქარის გამო ხანძარი დიდ ტერიტორიაზე სწრაფად გავრცელდა. დამწვარია თხუთმეტი ათასზე მეტი სახლი.