„დაელოდე 14 ნოემბერს“: გამოჩნდა დროში მოგზაური, რომელმაც იცის, რა მოხდება მსოფლიოში

სოციალურ ქსელებში სულ უფრო პოპულარული ხდება ანონიმური დროში მოგზაური, რომელიც აპოკალიფსური პროგნოზებით აშინებს მკითხველებს.
ის წინასწარმეტყველებს კაცობრიობას მომავალი საშინელებების შესახებ. მეტეორიტები, სტიქიური უბედურებები, კლიმატის ცვლილება - მომხმარებელს, რომელიც იმალება მეტსახელად Time Voyager, აქვს საშიშროებების დიდი არსენალი.

პირველი პოსტი ზაფხულში გამოჩნდა.
„მე 2906 წლიდან მოვდივარ. უცხოპლანეტელები დაეშვნენ დედამიწაზე. პირამიდები ძველ ეგვიპტელებს არ აუგიათ, ისინი შორეული ადამიანების პროდუქტია. მალე ისინი დაბრუნდებიან, რომ დაიბრუნონ ის, რაც მათია“, - ნათქვამია პირველ შეტყობინებაში.

ის ტრადიციულად იწყებს თავის პოსტებს ინსტაგრამსა და TikTok-ზე სიტყვებით: „დიახ, მე ვარ რეალურ დროში მოგზაური“ და შემდეგ აწვდის რამდენიმე შეტყობინებას.

„ყურადღება! დიახ, მე ვარ დროის ნამდვილი მოგზაური, ჰოლანდიაში ველოდებით ორ მნიშვნელოვან მოვლენას. 2023 წლის 4 იანვარი: აღმოჩენილი იქნება ბუნკერი, რომელიც შეიცავს უძველესი ცივილიზაციების საიდუმლოებებს. 2023 წლის 28 აპრილი: ამსტერდამში მეტეორიტი ჩამოვარდება, რომელიც გაანადგურებს ქალაქის დიდ ნაწილს.

ახლა დროში მოგზაურს 300 ათასზე მეტი გამომწერი ჰყავს. ის ამტკიცებს, რომ კლიმატის ცვლილების გამო, ავსტრალიას შეიძლება დაემუქროს ბევრად უფრო მკაცრი კარანტინი, ვიდრე კორონავირუსული პანდემიის დროს და ანტარქტიდა შესაძლოა საცხოვრებლადაც კი ვარგისი გახდეს.

სანამ ზოგიერთი მომხმარებელი სუნთქვაშეკრული ელოდება ახალ პროგნოზებს, ზოგი ღიად დასცინის მოგზაურს.
„თუ ეს მართალია, თქვენი პროგნოზები არ შეცვლის ვადებს?" - კითხულობენ მიმდევრები სოციალურ ქსელებში.

მაგრამ Time Voyager არ ნებდება და ახალ საშინელებებს აანონსებს. მართალია, დეტალებში შესვლის გარეშე.

„ვინც ფიქრობს, რომ მე არ ვარ დროის ნამდვილი მოგზაური, დაიმახსოვრეთ ეს თარიღები: 14, 19 და 20 ნოემბერი. იმედი მაქვს, მოვლენები, რაც ამ დღეებში მოხდება, დაგარწმუნებთ ჩემს რეალობაში და ჩვენ შევძლებთ კაცობრიობის გადარჩენას“, - წერს მომხმარებელი.

რა დღე მოდის...
აქ არის კიდევ რამდენიმე პროგნოზი დროში მოგზაურისგან.
„2022 წლის 25 დეკემბერს აშშ-ს მთავრობა გამოავლენს საიდუმლოს, რომ პირამიდები უცხოპლანეტელებმა ააშენეს. Distants არის მტრული უცხოპლანეტელების ტიპი, რომლებიც ცდილობენ გალაქტიკის მართვას. ისინი აწყობენ პირამიდებს ყველა პლანეტაზე, რომელსაც იღებენ, სანამ ამ პლანეტაზე სხვა სიცოცხლეა. როცა ისინი ჩვენს პლანეტაზე დაბრუნდებიან, დაიწყებენ პირველ კოსმოსურ ომს“.

„8 ოქტომბერი. დღეს არის დღე, როდესაც ზომბი ღორი ლაბორატორიიდან გაიქცა. იგი განზრახ დაინფიცირდა, რათა გაეგო რა შეიძლება მომხდარიყო. შედეგად, ინფიცირებული ღორი დააინფიცირებს რამდენიმე ფერმას. 2024 წელს ვირუსი მუტაციას მოახდენს და შესაძლოა პირველი ადამიანი დააინფიციროს.

„აქ არის მოვლენები, რომლებიც მოხდება იაპონიაში, მომდევნო ორი წლის განმავლობაში. 2023 წლის 3 ივნისი: ფუჯის მთასთან 18 ფუტის ფრთების სიგრძის ფრინველის ახალ სახეობას იპოვიან. 2023 წლის 8 დეკემბერი: ტომასის ატომურ ელექტროსადგურზე მომხდარი უბედური შემთხვევა იაპონიის დიდ ნაწილს საცხოვრებლად დაუსახლებელს გახდის.
„კითხვებს ვპასუხობ. იქნება მესამე მსოფლიო ომი? დიახ, ოფიციალური დასაწყისია 2023 წლის 12 მაისი. გვეცოდინება ოდესმე უცხოპლანეტელების შესახებ? დიახ, ისინი უკვე დედამიწაზე არიან და სხვადასხვა ცუდ რაღაცებს ​​პროვოცირებენ“.

წინ, წარსულისკენ
ბოლო დროს სოციალური ქსელები გადაიტვირთა თვითგამოცხადებული „დროში მოგზაურებით“. ზოგი თითქოს ჩვენთან წარსულიდან მოვიდა, ზოგიც მომავლიდან. ერთ-ერთი მათგანი, ესპანელი ხავიერი, მეტსახელად Lone Survivor, აცხადებს, რომ ჩამოვიდა 2028 წლიდან - სამყაროდან, სადაც კაცობრიობა აღარ არსებობს. მისმა გამომწერებმა, მოითხოვეს მტკიცებულება. ხავიერმა აჩვენა ვიდეო მიტოვებული ყაზარმითა და სამაშველო შვეულმფრენით, მაგრამ უცნობია, იყო თუ არა ვინმე იმ მომენტში ბაზაზე.

ის ამტკიცებს, რომ ჩვენს დროში გადაადგილებას ცდილობს. სოციალურ ქსელებში ის აზიარებს მადრიდის, ბარსელონას, ვალენსიის მიტოვებულ ქუჩებს - ცარიელ სავაჭრო ცენტრებსა და მაღაზიებს, ზოოპარკებს. მართალია, ზოოპარკებში ცხოველები საკმაოდ მოვლილად გამოიყურებიან, ხოლო მაღაზიების ირგვლივ განათება ჩვეულებრივ ანთებულია და არც გაპარტახების კვალი ჩანს.