დააკავეს 30 ადამიანი, რომლებსაც უკრაინისთვის გამიზნული ჰუმანიტარული დახმარების ქვეშ მთელ ევროპაში მარიხუანა გადაჰქონდათ - მედია

ესპანეთის პოლიციამ 30 დამნაშავე დააკავა, რომლებსაც უკრაინაში გამიზნული ჰუმანიტარული დახმარების კოლონის საფარქვეშ მთელ ევროპაში მარიხუანა გადაჰქონდათ. ამის შესახებ BBC წერს.

გამოცემის ცნობით, დაკავებულთა შორის არიან ესპანელები, უკრაინელები, გერმანელები და მაროკოელები.

„მარიხუანა შეფუთული იყო მუყაოს ყუთებში, როგორც ჰუმანიტარული დახმარების მარაგი, რომელიც განკუთვნილი იყო უკრაინისთვის“, - განაცხადა პოლიციამ.

რეიდების დროს, მალაგას პროვინციაში, ასევე სამხრეთ ქალაქებში - გრანადაში, კორდობასა და სევილიაში, პოლიციამ ამოიღო თითქმის 800,000 ევრო, ექვსი იარაღი და 2,500 კანაფის მცენარე.

ეჭვმიტანილებს ბრალი წაუყენეს სხვადასხვა დანაშაულში, მათ შორის ნარკორეალიზაციაში, დანაშაულებრივი ორგანიზაციის წევრობასა და იარაღის უკანონო შეძენა-შენახვაში.