ჩინეთში ქალი კიმონოს ტარების გამო დააკავეს

ჩინეთში მცხოვრები ქალის თქმით, პოლიციამ იგი „უთანხმოებისა და დაძაბულობის გამოწვევის“ ბრალდებით დააკავა. მიზეზი კი იაპონური ტრადიციული სამოსის ტარება გახდა. ქალს კიმონოსთან ერთად პარიკიც ეხურა და ცნობილი მანგის ერთ-ერთ პერსონაჟს განასახიერებდა.

როგორც სოციალურ ქსელში გავრცელებულ კადრებში ჩანს სამართალდამცველი ქალს  ყვირილით ესაუბრება და მიუთითებს იმაზე, რომ ჩინელს იაპონური ტრადიციული სამოსი არ უნდა ეცვას.

„ჰანფუში გამოწყობილი რომ მოსულიყავი, არაფერს გეტყოდი. მაგრამ ჩინელს კიმონო გაცვია. შენ ჩინელი ხარ! არა?“, — ეუბნება პოლიციის ოფიცერი მას ხმამაღლა.

ქალის კითხვაზე, რატომ უყვირიან, პოლიციელი პასუხობს, რომ იგი საზოგადოებაში „უთანხმოებასა და დაძაბულობას იწვევს“ — ეს ჩინეთში გავრცელებული ბრალდებაა, რომელსაც ხელისუფლება დისიდენტების, ჟურნალისტებისა და აქტივისტების წინააღმდეგ იყენებს.

ამის შემდეგ ვიდეო წყდება. როგორც ცნობილია, ქალი ადგილზევე დააპატიმრეს და განყოფილებაში გადაიყვანეს. 

A young Chinese woman was taken away by local police in Suzhou last Wednesday because she was wearing a kimono. "If you would be wearing Hanfu (Chinese traditional clothing), I never would have said this, but you are wearing a kimono, as a Chinese. You are Chinese!" pic.twitter.com/et8vWOferQ

— Manya Koetse (@manyapan) August 15, 2022