ბულგარეთში, მიტოვებულ სატვირთო მანქანაში, 18 ადამიანის ცხედარი აღმოაჩინეს

ბულგარეთის დედაქალაქის მახლობლად, მიტოვებულ სატვირთო მანქანაში 18 ადამიანის ცხედარი აღმოაჩინეს. პოლიციში ვარაუდობენ, რომ გარდაცვლილები აზიიდან წამოსული არალეგალი მიგრანტები იყვნენ. 34 ადამიანი საავადმყოფოშია გადაყვანილი.

ჯანდაცვის მინისტრის განცხადებით, სატვირთოში ჟანგბადისა და საკვების დეფიციტი იყო. სატვირთოს მიგრანტთა ჯგუფი უკანონოდ გადაყავდა.

ამ დროისთვის საქმეზე 4 ადამიანია დაკავებული. ოთხიდან ერთ-ერთი სასამართლომ ადამიანებით ტრეფიკინგის საქმეზე დამნაშავედ ცნო.