Bloomberg: რუსეთი აშშ-თან მოლაპარაკებების ფარგლებში ითხოვს, რომ უკრაინაში ცეცხლის შეწყვეტის შემდეგ, მას მიეცეს უფლება შეიძინოს Boeing-ის თვითმფრინავები გაყინული აქტივების ხარჯზე

რუსეთი აშშ-თან მოლაპარაკებების ფარგლებში ითხოვს, რომ უკრაინაში ცეცხლის შეწყვეტის შემდეგ, მას მიეცეს უფლება შეიძინოს კომპანია Boeing-ის თვითმფრინავები გაყინული აქტივების ხარჯზე. ინფორმაციას ამის შესახებ სააგენტო Bloomberg წყაროზე დაყრდნობით ავრცელებს.

მიუხედავად იმისა, რომ ეს მოთხოვნა რუსეთის მხრიდან ზავზე თანხმობის პირობას არ წარმოადგენს, რუსეთს ესმის, რომ გაყინული თანხების გამოყენება თვითმფრინავების შესაძენად ცეცხლის შეწყვეტის გარეშე შეუძლებელია.

შეთანხმება, რომელიც თვითმფრინავების შეძენის საშუალებას იძლევა, შესაძლოა საომარი მოქმედებების შეწყვეტის შემთხვევაში სანქციების შემსუბუქების ნაწილი გახდეს.