Bloomberg: დონალდ ტრამპი სლოვაკეთის პრემიერ-მინისტრს 17 იანვარს მარ-ა-ლაგოს რეზიდენციაში შეხვდება

აშშ-ის პრეზიდენტი დონალდ ტრამპი 17 იანვარს სლოვაკეთის პრემიერ-მინისტრს რობერტ ფიცოს ფლორიდაში, მარ-ა-ლაგოს რეზიდენციაში უმასპინძლებს. ინფორმაციას Bloomberg-ი ავრცელებს.

გამოცემის ცნობით, ფიცო ტრამპთან სლოვაკეთში ახალი ატომური ელექტროსადგურის მშენებლობის საკითხს განიხილავს. კონტრაქტის ღირებულება 15 მილიარდი ევროა.

პარასკევს სლოვაკეთის დელეგაცია ამერიკელ პარტნიორებთან მთავრობათაშორისი ხელშეკრულების გაფორმებას აპირებს, რაც ამერიკულ მხარეს პროექტის განხორციელების საშუალებას მისცემს, აღნიშნავს სააგენტო.